Lajme

Shtyhet për 6 janar seanca për Sali Berishën

Autori: Gazeta inFokus 23:29 | 16 December 2024

Pas përfundimit të seancës së sotme paraprake në GJKKO për ish-kryeministrin shqiptar, Sali Berisha, avokati i tij Genc Gjokutaj tha se shqyrtimi do te vijojë më 6 janar për kalimin ose jo për gjykim të dosjes “Partizani”.

Tutje, ai tha se prokurori filloi dhe mbaroi një përmbledhje të tij dhe seanca siç u shpreh ai, është shtyrë për në 6 janar në orën 11:30.

“E njëjta histori, e njëjta vjershë. Ai foli pa referencë. Ajo që ne kërkuam ishte të na shpjegonte faktin penal, lidhjen shkakësore, cilat janë veprimet, çfarë dëmi ka , çfarë pasoje ka nëse ka dhe të na individualizonte provat për secilin subjekt në këtë çështje. Asgjë e tillë nuk ndodhi, prokurori filloi dhe mbaroi një përmbledhjen e tij dhe seanca është shtyrë për në 6 janar në orën 11:30.

-Advertisement-

“Nuk pati komente për ndryshimin e masës së sigurisë. SPKA ka dorëzuar një ankim në Gjykatën e Apelit, është një ankim formal i paargumentuar sepse ato janë ezauruar si faza. Për masën e sigurisë nuk u diskutua në këtë seancë. Ne tani fillojmë përballjen tonë para gjykatës që do të jetë me dyer të hapura në prani të njerëzve dhe mediave, kështu që gjykimi i shkurtuar për zotin Berisha është i përjashtuar”, ka thënë ai./Euronews.al.

Subscribe në YouTube: GAZETA INFOKUSI
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme