Lajme

Parandalohet një rast i kontrabandës me mallra në Ranilluk

Autori: Gazeta inFokus 14:45 | 05 December 2024

Policia e Kosovës ka njoftuar se ka parandaluar një rast të kontrabandimit me mallra në fshatin Korminjan të Ranillugut.

“Policia e Kosovës, gjegjësisht njësitet e Task Forcës – Lindje, në bashkëpunim me Doganën e Kosovës, në zbatim të masave për parandalimin dhe luftimin e paligjshmërisë dhe kontrabandës, kanë intensifikuar kontrollet taktike dhe operacionale në terren në brezin kufitar Republika e Kosovës – Serbi, ku me datën0 4.12.24, pas pranimit të informatave nga burimet zyrtare të PK-së, në fshatin Korminjan – Ranilluk është ndaluar një traktor me rimorkio të improvizuar i cili drejtohej nga i dyshuari mashkull shtetas i Serbisë”, thuhet në njoftim.

Policia gjatë kontrollit tē rimorkios ka vërejtur se kishte të ngarkuar duhan në paketime (Marlboro, Winston, Camel, Lucky Strike) me peshë nga 500 gramë në sasi prej gjithsej rreth 250 kilpgramë duhan i përpunuar,cigare Trokadero slim 50 boksa (shtega),king 50 boksa, korset i kuq 50 boksa, korset i kaltërt 50 boksa, trokadero 50 boksa gjithsej 250 boksa.

-Advertisement-

Sipas Policisë, vlera e mallit të lartcekur sipas tregut është rreth 8500 euro, ndërsa shmangiet nga tatimi dhe akciza janë rreth 13000 euro.

Lidhur me rastin të gjitha veprimet janë ndërmarrë në bashkëpunim me Prokurorinë e Shtetit, ndërsa malli dhe automjeti dërgohen në terminalin doganor derisa rasti procedohet për trajtim tek njësitë përkatëse policore.