Lajme

KFOR-i rrit masat e sigurisë pas sulmit në “Ibër-Lepenc” për mbrojtjen e infrastrukturës kritike -pamje nga Veriu

Autori: Gazeta inFokus 14:12 | 05 December 2024

Misioni i KFOR-it ka thënë se ka rritur masat e sigurisë pas sulmit në kanalin i “Ibër-Lepencit” për të mbrojtur infrastrukturën kritike. KFOR-i tha se është i përgatitur për të ofruar mbështetje të sigurisë, logjistike e inxhinerike.

“Pas sulmit në kanalin e ujit në Zubin-Potok, Kosovë, misioni i udhëhequr nga NATO-ja, KFOR-i, ka rritur masat e sigurisë për të mbrojtur infrastrukturën kritike në rajon. Komanda Rajonale Lindje (RC-E) mbetet e përgatitur për të ofruar mbështetje të sigurisë, logjistike dhe inxhinierike për të gjitha komunitetet që jetojnë në Kosovë”, thuhet në njoftimin e fundit të misionit.

KFOR-i përsëriti se vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, “në çdo kohë dhe në mënyrë të paanshme”.

-Advertisement-

KFOR-i punon në koordinim të ngushtë me Policinë e Kosovës dhe EULEX-in në rolet e tyre përkatëse si reagues të sigurisë.

Subscribe në YouTube: GAZETA INFOKUSI
-Advertisement-

Të tjera

Fokusi

lajme