Lajme

Haki Abazi pozicionohet në ulësen e deputetëve të AAK-së në Kuvendin e Kosovës

Autori: Gazeta inFokus 11:11 | 02 December 2024

Pasi deputeti i larguar nga Lëvizja Vetëvendosje (LVV), Haki Abazi, zyrtarizoi një ditë më parë anëtarësimin e tij në Aleancën për Ardhmërinë e Kosovës (AAK), ai sot është pozicionuar në ulësen e deputetëve të AAK-së në Kuvendin e Kosovës.

Kjo vjen pas njoftimit të tij për kandidimin në zgjedhjet e 9 shkurtit 2025, si përfaqësues i kësaj partie.

Abazi, i cili kishte konfirmuar anëtarësimin e tij në AAK përmes një konference për media, shoqëruar nga kryetari i AAK-së, Ramush Haradinaj, tha se është e nevojshme një qeverisje me një vizion dhe plan të qartë për të realizuar objektivat prioritare të Kosovës.

-Advertisement-

Ai theksoi se një prej qëllimeve kryesore është “Integrimi i Kosovës në NATO”, një hap që Abazi e konsideron si një nga qëllimet më të rëndësishme për ardhmërinë e vendit.

Abazi i bashkohet AAK-së: Idenë e Skënderbeut për ta mbrojtur Kosovën e gjeta vetëm këtu
Ndërkohë, sot pritet të mbahet seanca plenare në Kuvendin e Kosovës, ku njëra nga pikat kryesore të rendit të ditës do të jetë projektrezoluta për katër vjet qeverisje.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme