Lajme

Promovohet sot romani `Oj Kosova ime` i autores gjermane Mechthild Henneke

Autori: Gazeta inFokus 08:41 | 27 November 2024

Sot, do të promovohet romani i autores gjermane Mechthild Henneke me titullin: “Oj Kosova ime”. Romani ka një subjekt narrativ të dhimbshëm për luftën UÇK-së në Kosovë dhe ndërgjegjëson lexuesin për tmerret e luftës në Kosovë.

Artdashësit e letërsisë, nga sot e kanë mundësinë ta kenë në dorë ramanin e autores gjermane, Mechthild Henneke, të titulluar “ Oj Kosova ime”.

Romani është botuar në gjermanisht me titullin “Ach, mein Kosovo”, dhe në shqip është përkthyer nga Edlira Bushati, përkthyese e njohur dhe dekan i Fakultetit të Gjermanishtes në Universitetin e Shkodrës. Romani në shqip është botuar nga shtëpia botuese “Koha”.

-Advertisement-

“Oj Kosova ime”, ka një subjekt narrativ të dhimbshëm për luftën UÇK-së në Kosovë, që ndërgjegjëson për tmerret e përjetuara deri në ditën e çlirimit dhe është i bazuar në një ngjarje të vërteta dhe shumë sfida e aspekte reale të jetës, si janë lufta, ikja, jeta mes dy kulturave etj.

Në roman shtrohen pyetje filozofike si: “Për çfarë vlen të luftosh?” apo “Çfarë ndodh me njeriun në luftë?”

Personazhi kryesor rritet si mjek, shërben si mjek në një spital fushor dhe kalon shumë sfida që lënë gjurmë në ndërgjegjen e tij deri në ditën e çlirimit.

Ai është student i mjekësisë në Gjermani, dhe kthehet në atdhe për të luftuar, ku i bashkohet UÇK-së ashtu si shumë shqiptarë nga e gjithë bota. Me të shpërthyer lufta në atdhe, asgjë nuk mund ta mbajë që ta kapë armën në atdhe. Por, ballafaqimi me frontin, tmerret e luftës, që ai sheh dhe përjeton, bëjnë një kthesë tek ai që ta ndërrojë armën dhe ti kthehet stetoskopit, duke shëruar ushtarët e plagosur në një spital fushor të UÇK-së.

Romani është pritur mire nga kritika letrare e cila thekson se autorja “arrin të depërtojmë thellë në mendjen dhe zemrën e një të riu kosovar”.

„Është një roman i pazakontë lufte, sepse ai flet më shumë për shpëtimin e jetës sesa për vrasjen” theksohet në kritikat e shkruara për romanin.

Me një fjalë romani “Moj Kosova ime” është një pasqyrë e dramës njerëzore në Kosovën e luftës deri në mbarimin e saj, duke eksploruar ndjenja të thella të humbjes dhe rikthimit në një realitet të ri.

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

lajme