Lajme

Ndërron jetë gruaja që u vetaksidentua në Suharekë

Autori: Gazeta inFokus 15:31 | 23 November 2024

Një grua ka vdekur pasditen e djeshme si pasojë e një vetaksidenti që ndodhi në fshatin Doberdolan të Suharekës.

Siç ka njoftuar Policia e Kosovës, shoferja e automjetit për shkak të mospërshtatjes së shpejtësisë me kushtet e rrugës ka humbur kontrollin dhe ka dalë jashtë rrugës.

“Si pasojë ngasësja dhe pesë pasagjeret e këtij automjeti marrin lëndime trupore ku me autoambulancë dërgohen në spital të Prizrenit për tretman mjekësor. Pasi marrin ndihmën e parë vozitësja dhe katër pasagjerë lirohen në shtëpi, ndërsa pasagjerja femër e vitit të lindjes 1965 për shkak të lëndimeve të rënda transferohet në Qendrën Klinike Universitare në Prishtine ku edhe përkundër ndihmës së ofruar nga stafi mjekësor e njëjta nuk arrin t’iu përballojë lëndimeve dhe ndërron jetë”, tha policia.

-Advertisement-

Trupi i pajetë i viktimës me urdhër të Prokurorit të Shtetit është dërguar në Institutin e Mjekësisë Ligjore për obduksion.

Hetues policorë të aksidenteve në koordinim me Prokurorin e Shtetit janë duke punuar në hetimin e të gjitha rrethanave të këtij vetë aksidenti.

Subscribe në YouTube: GAZETA INFOKUSI
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme