Lajme

Abdixhiku: QKUK-në do ta ndërtojmë në një lokacion të ri, i vjetri do të rrënohet

Autori: Gazeta inFokus 22:52 | 31 October 2024

Kandidati i LDK-së për kryeministër, Lumir Abdixhiku është shprehur se objekti ku është e vendosur QKUK-ja do të rrënohet, e QKUK-në do ta ndërtojë në një vend të ri.

Sipas tij, kjo do të ndodh për shkak se spitali është i vjetruar,i ndërtuar me model sovjetik, njofton Klankosova.tv.

Ndër të tjera, Abdixhiku shpreh shqetësim edhe për edukimin e fëmijëve, ku thotë se ndikuesi kryesor i mosdijes së fëmijëve është qëndrimi i pakët në shkolla.

-Advertisement-

“E para, më shqetësuesja është edukimi, pra unë ndihem i shqetësuar kur një fëmijë i klasës së pesë në Kosovë, ka aftësinë e një nxënësi të klasës së dytë në shtetet e jashtme, kjo pasi nuk po rrinë në shkolla. Çfarë do të bëjmë e dyta është shëndetësia. Unë vërtet vërej që kemi infrastrukturë të vjetruar, kemi një spital publik të ndërtuar në vitin 1964, model sovjetik. Unë kam plan ta largoj nga aty komplet, kam ndarë 250 milionë euro për fazën e parë, do të hiqet për t’u ndërtuar spital i ri, por nuk do të preket derisa të ndërtohet spitali i ri me vlerë 250 milionë euro”, tha Abdixhiku në Rubikon të Klankosova.tv.

Subscribe në YouTube: GAZETA INFOKUSI