Lajme

Ndalohet një veturë në Graqanicë, kapet kokạinë në vlerë 10 mijë euro

Autori: Gazeta inFokus 22:44 | 29 October 2024

Policia e Kosovës njofton se sot ka ndaluar një veturë në Graqanicë, ku pas kontrollit të veturës janë gjetur në një qese plastike 110 gram pluhur i bardhë në formë të ngurtë i dyshuar për kokainë, me vlerë të tregut rreth 10 mijë euro.

Lidhur me rastin personi i dyshuar është ndaluar për 48 orë.

Njoftimi i plotë i policisë:

-Advertisement-

Policia e Kosovës respektivisht sektori qendror për hetimin e trafikimit me narkotik DHTN, pas pranimit të informacioneve përmes rrugëve operativo dhe hetimore me datë 29.10.2024 në rrugën magjistrale Prishtinë-Gjilan konkretisht në Graqanicë, ka ndaluar një veturë të dyshuar me targa vendore të cilën po e drejtonte i dyshuari mashkull kosovar.

Pas kontrollit të veturës janë gjetur në një qese plastike 110 gram pluhur i bardhë në formë të ngurtë i dyshuar për kokainë, me vlerë të tregut rreth 10000 (dhjetëmijë euro).

Në cilësinë e provave materiale lidhur me rastin janë sekuestruar :

110 gram substancë e dyshuar narkotike e llojit kokainë,

Një veturë,

Para kesh 200 euro dhe

Një telefon celular

Në lidhje me rastin është njoftuar prokurori kompetent ku në konsultim me të cilin personi i dyshuar është ndaluar për 48 orë.