Uncategorized

Mjedis mbështetës për sfidat demografike

Autori: Gazeta inFokus 16:04 | 29 October 2024

Kina shpalosi një sërë politikash të reja të cilat synojnë krijimin e një mjedisi më mbështetës për të patur dhe rritur fëmijë, në përgjigje të sfidave të rëndësishme demografike të paraqitura nga një popullsi në plakje.

Janë hartuar13 masa për të përmirësuar shërbimet e lindjes të fëmijëve, për të zgjeruar sistemet e kujdesit për fëmijët, për të forcuar mbështetjen në arsim, strehim dhe punësim, si edhe për të kultivuar një atmosferë sociale miqësore për lindjen.

Nisma përfshin gjithashtu përmirësime në sistemin e subvencionimit të lindjeve dhe lehtësimin e tatimit mbi të ardhurat personale në lidhje me lindjen e fëmijëve.

-Advertisement-

Për më tepër, do të bëhen përpjekje për të përmirësuar sistemin e kujdesit ndaj fëmijët, duke përfshirë ngritjen e më shumë spitaleve pediatrike dhe mjekëve pediatër me cilësi të lartë, për të promovuar zgjerimin dhe shpërndarjen e barabartë të burimeve cilësore mjekësore pediatrike në nivel komuniteti.

Si një nga vendet më të populluara në botë, Kina po përballet me sfidat e paraqitura nga popullsia e saj prej 1.4 miliardë banorësh, e cila po plaket me shpejtësi. Që nga viti 2022, vendi ka hyrë në një fazë të rënies së popullsisë, ku individët e moshës 65 vjeç e lart përbëjnë tani mbi 14% të popullsisë, që tregon një shoqëri të plakjes në nivelin e mesëm.

Në dritën e këtyre ndryshimeve demografike, Kina ka zbutur gradualisht politikat e saj të planifikimit familjar gjatë dekadës së kaluar. Në vitin 2013, qeveria lejoi çiftet të kishin një fëmijë të dytë, nëse njëri prej prindërve ishte fëmijë i vetëm. Kjo u pasua në vitin 2016 nga një politikë që u lejonte çifteve të martuara të kishin dy fëmijë, duke hequr në mënyrë efektive politikën e një fëmije prej disa dekadash. Në vitin 2021, u njoftua mbështetje për çiftet që dëshirojnë të kenë një fëmijë të tretë