Deputeti i LDK-së, Armend Zemaj në seancën e jashtëzakonshme të thirrur nga PDK-ja lidhur me faljen e borxheve të ambalazhuesve të ujit dhe mesazheve të Dejona Mihalit me Nagip Krasniqin, ka thënë se sot VV-ja duhej të ishte në Kuvend, që të dëgjoheshin edhe qëndrimet e tyre, e të jenin përgjegjësi para qytetarëve.

Zemaj i LDK-së tha se VV i kishte premtuar qytetarëve parajsë, por që sipas tij vetëm se i ka varfëruar ata.

Deputeti i kësaj partie tha para deputetëve të pranishëm në Kuvend, se VV-ja erdhi në pushtet duke thënë se do të bëjnë një qeveri me duar të pastra, pa korrupsion, por që vetëm se janë zhytur më thellë.

-Advertisement-

“Edhe për ne deputetët sot do duhej të ishin këtu t’i dëgjonin qëndrimet lidhur me korrupsionin e madh që po e bën partia e tyre, VV në qeveri. Por fatkeqësisht ky pushtet i dështuar po i ikë edhe përgjegjësisë që duhet t’i jep qytetarit që e votoi me premtimin e madh se do të bëjnë qeveri me duar të pastra. Faktet thonë se kjo qeveri veç duar të pastra nuk ka, i ka zhytur thellë në korrupsion.

“Dëmtimi i Buxhetit të Shtetit nga Ministria e Mjedisit, me Naser Hafizin në miliona euro për shlimin e borxheve të ambalazhuesve të ujit, si dhe mesazhet e Dejona Mihalit me Nagip Krasniqin që diskutojnë për korrupsionin në KEK. Qytetarët e Kosovës, t’ua rikutojmë që Hafizi s’është person i parëndësishëm, por njeri i afërt me Kurtin, dhe Dejona është vetë Kurti. Këta njerëz janë strukture kriminale”

“Kjo qeveri edhe sot del i mbron njerëzit e korruptuar pa fije turpi. A mund të dijmë pse Dejona Mihali pa asnjë pozitë në qeveri vendos kur të ndalet rryma. Kësaj s’mund t’i themi gjë tjetër veç skemë kriminale. Kjo skemë e krimit financiar, e kontrolluar nga parapolitika e krimit duhet të zbardhet nga organet e drejtësisë sepse këta njerëz premtuan parajsë dhe përfunduan duke varfëruar qytetarët”, tha Zemaj në Kuvend.

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-