Lajme

Berisha feston 80 vjetorin e lindjes në arrest shtëpiak: Jam në betejën me të rëndësishme të jetës

Autori: Gazeta inFokus 11:09 | 15 October 2024

Nga shtëpia e tij, ku qëndron në arrest prej dhjetorit, Sali Berisha ka bërë një postim në rrjetet sociale, me rastin e 80 vjetorit të lindjes.

Ish-kryeministri thekson se ndonëse është në majën e 8 dekadave, përballë ka një betejë, të cilën e konsideron më të rëndësishmen e jetës së tij.

“Miq, sot unë ngjita majën më të lartë, por dhe më të bukur të jetës time! Para meje një pamje kaq mahnitëse që kurrë nuk e kisha ëndërruar! Dhe kjo jo se jam në majën e tetë dekadave, por sepse sot jam në majën e motivimit të betejës më të rëndësishme të jetës time.

-Advertisement-

Të asaj me narkoshtetin dhe mafien më të rrezikshme të kohës që i bënë vendit tonë anëtar të NATO-s, grusht shteti kundër opozitës, sovranitetit tij të brendshëm dhe dështuan!

Kjo është maja më e bukur e jetës sepse shënon për mua kulmin e mirënjohjes më të pakufishme ndaj Zotit të Gjithëfuqishëm, familjes, miqve, bashkëpunëtorëve, mbështetësve të mi të cilët kanë qenë për mua, frymëzimi i pashterueshëm dhe energjia, forca jetësore e këtij udhëtimi që nis sot udhën drejt majës tjetër edhe më të bukur, drejt Everestit të Fitores”, shkruan Berisha.

Subscribe në YouTube: GAZETA INFOKUSI