Lajme

Rama: Ka punë për të mbaruar, më duhet edhe një mandat

Autori: Gazeta inFokus 17:25 | 14 October 2024

Kryeministri shqiptar Edi Rama, thotë se e ka në plan të kandidojë për një mandat të katërt, pasi sipas tij ka ende punë për të bërë.

“Plani është që të kandidojë. Por ka ende kohë deri atëherë. Besoj se më duhet të kandidojë sepse ka punë për të mbaruar. Dhe në këto tre mandate kemi bërë gjëra të mrekullueshme”, tha ai në një intervistë për Reuters, shkruan A2 CNN.

Rama tha se Shqipëria dikur bëhej lajm vetëm për të këqija, ndërsa si progresive e sheh turizmin e madh që e ka vendi.

-Advertisement-

“Shqipëria nuk ishte në hartë. Shqipëria bëhej lajm vetëm për lajme të këqija. Ndërsa tani kemi kapërcyer tavanin e 10 milionë turistëve në një vend ku turizmi ishte një ide e mirë dhe një ëndërr, por jo realitet”, u shpreh ai.

“Pastaj, është edhe kjo faza e luftës kundër korrupsionit, që duhet të bëhet e pakthyeshme. Dhe me objektivin potencial për të ngritur flamurin tonë në Bruksel brenda kësaj dekade ia vlen të kandidosh për një mandat tjetër. Pastaj njerëzit do ta vendosin”, shtoi kryeministri shqiptar.

Subscribe në YouTube: GAZETA INFOKUSI
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…
-Advertisement-

Të tjera

Fokusi

lajme