Lajme

Problemet me ushqimin e ushtarëve të FSK-së, LVV-ja bojkoton seancën e jashtëzakonshme i quan gënjeshtra e pallavra të opozitës

Autori: Gazeta inFokus 11:33 | 14 October 2024

Deputeti i Lëvizjes Vetëvendosje, Mefail Bajqinovci, në një konferencë për media pak para nisjes së seancës së jashtëzakonshme të thirrur nga opozita në lidhje me raportimet e vazhdueshme për problemet me ushqimin e ushtarëve të FSK-së i ka quajuar propagandë.

Ai ka thënë se ushtarët nuk kanë mbetur asnjëherë pa ushqim dhe se raportimet në lidhje me këtë e tenderët e ministrisë janë gënjeshtra.

Po ashtu është bërë e ditur se partia në pushtet do të bojkotojë seancën e jashtëzakonshme të thirrur nga opozita.

-Advertisement-

Ndërsa deputeti tjetër i LVV-së, Enver Dugolli. ka thënë se ushtria nuk do të mbetët asnjëherë pa bukë.

Madje ai ka akuzuar opozitën se gjithë këtë po e bëjnë për të mbrojtur oligarkë të caktuar që me vite kanë mbajtur monopolin e ushqimit.

“Disa damarë që janë shkëputur për disa parti politike për oligarkë që e kanë mbajt monopolin për ushqim. Ushtria e Kosovës as nuk është pa bukë e as nuk do të mbetet pa bukë. Opozita po vazhdon me zhurma për Beni Donën e oligarkë të ndryshëm”, ka thënë ai.

Kujtojmë se grupi parlamentar i partisë në pushtet ka bojkotuar edhe seancën e jashtëzakonshme të javës së kaluar që u thirr nga opozita në lidhje me publikimin e komunikimit në mes të shefes së gp të LVV-së, Mimoza Kusari Lila dhe kryekriminelit serb, Radojiçiq.

/Gazeta Infokus/

Subscribe në YouTube: GAZETA INFOKUSI