Uncategorized

Krasniqi: Në 25-vjetorin e PDK-së, ndjehet mungesa e Thaçit dhe Veselit

Autori: Gazeta inFokus 15:47 | 10 October 2024

Në përvjetorin jubilar të 25-të të themelimit të Partisë Demokratike të Kosovës (PDK), kryetari i partisë, Memli Krasniqi, priti në takim bashkëshortet e dy ish-liderëve të partisë, Presidentit Hashim Thaçi dhe Kryetarit Kadri Veseli.

Në një postim në rrjetet sociale, Krasniqi tha se urimet e ndara për këtë përvjetor fatkeqësisht nuk ishin të plota, për shkak të mungesës së dy liderëve të partisë, të cilët po vazhdojnë të mbrojnë të vërtetën e historisë së Kosovës nga Gjykata Speciale në Hagë.

“Ndjehej më shumë se kurrë mungesa e dy liderëve tanë, por sot ndjejmë krenari për ta. Ata janë dy burrështetas të guximshëm që ndryshuan fatin e Kosovës dhe e ngritën, zhvilluan dhe transformuan Republikën tonë,” tha Krasniqi.

-Advertisement-

Ai shprehu mirënjohje dhe vlerësim për udhëheqjen vizionare të Thaçit dhe Veselit gjatë rrugëtimit të Kosovës drejt lirisë dhe shtetndërtimit, duke theksuar se PDK-ja mbetet e përkushtuar në rrugën e tyre. /Telegrafi/

Subscribe në YouTube: GAZETA INFOKUSI