Lajme

Aksident i rëndë në rrugën Prizren -Suharekë, vdẹs një 40-vjeçar

Autori: Gazeta inFokus 08:48 | 15 August 2024

Policia e Kosovës ka njoftuar se ka sot ka ndodhur një aksident i rëndë trafiku në orët e para të mëngjesit të sotëm në rrugën Prizren-Suharekë.

Në këtë aksident janë përfshirë dy vetura me targa vendore, ku si pasojë e këtij aksidenti dyshohet se një person ka ndërruar jetë.

Këtë e ka konfirmuar për Dukagjinin, zëdhënësi i PK-së për rajonin e Prizrenit, Vesel Gashi, teksa ka shtuar se viktima ka qenë rreth 40 vjeçar.

-Advertisement-

“Me datën 15.08.2024, rreth orës 06:16, është raportuar për një aksident trafiku të ndodhur në rrugën Prizren-Suharekë (Rrafshi i Sopis). Lidhur me rastin janë njoftuar njësitë përgjegjëse policore të cilët menjëherë kanë dalë në vendngjarje”, thuhet në njoftim.

“Bazuar në informacionet e para në këtë aksident janë të përfshira dy automjete me targa vendore, ku si pasojë e këtij aksidenti dyshohet se një person ka ndërruar jetë (mashkull rreth 40 vjeçar ). Vdekjen e tij e ka konstatuar stafi përgjegjës i Emergjencës së QMF në Suharekë. Lidhur me rastin dhe mjetet e përfshira në aksident, janë duke u kryer hetimet nga njësia e Trafikut Rajonal e Prizrenit. Në vendin e ngjarjes kanë dalë, prokurori i rastit dhe njësitet tjera relevante. Me urdhër të prokurorit të shtetit trupi i pajetë dërgohen në IML Prishtinë, ndërsa i dyshuari pas marrjes së ndihmës së parë ndalohet për 48 orë në ndalim policor me urdhër të prokurorit të Shtetit’, thuhet në përgjigjen.

Subscribe në YouTube: GAZETA INFOKUSI