Konjufca shkon te familja e Enver Zymerit dhe Afrim Bunjakut në Ditën Memoriale të policëve të rënë në detyrë
Autori: Gazeta inFokus 14:49 | 26 July 2024
Kryeparlamentari Glauk Konjufca sot ka shkuar në vizitë te familjet dy heronjve, Enver Zymeri dhe Afrim Bunjaku, në Ditën Memoriale të policëve të rënë në detyrë.
Ai tha se sot me respektin më të lartë kujtojnë të gjithë policët e rënë në krye të detyrës, ndërsa ka bërë homazhe pranë pllakës përkujtimore kushtuar atyre.
“Me konsideratën më të lartë e respekt të thellë i përkujtojmë sot me nderime të gjithë policët tanë të rënë në detyrë! Duke bërë homazhe pranë pllakës përkujtimore kushtuar zyrtarëve të rënë policorë, shpreha vlerësimin e lartë ndaj aktit heroik të policëve tanë që dhanë jetën duke i shërbyer në mënyrë të pashoq shtetit dhe qytetarëve tanë, me përpjekjen e tyre sublime për të mbrojtur rendin ligjor e kushtetues, në luftën kundër cenimit të integritetit territorial dhe sovranitetit të vendit tonë, si dhe kundër krimit të organizuar”.
“Po ashtu, bëra vizitë në familjet e dy heronjve tanë, të Enver Zymerit dhe Afrim Bunjakut, të cilët me guximin dhe vendosmërinë e tyre, me dashurinë ndaj atdheut dhe përgjegjësinë e lartë ndaj detyrës sakrifikuan jetën e tyre duke mbrojtur sovranitetin dhe ligjshmërinë e Republikës së Kosovës, që u kërcënuan nga strukturat kriminale dhe forcat paramilitare të dirigjuara prej Serbisë”, tha Konjufca.
Konjufca tha se kjo ditë e përkujtimit “të heronjve tanë policorë shënohet në datën e rënies së Enver Zymerit, i cili vdiq më 26 korrik të vitit 2011 pasi ishte qëlluar me armë nga strukturat kriminale të Serbisë, në operacionin për të shtrirë kontrollin shtetëror në pikat kufitare. Homazhet i vijuam pikërisht aty ku gjendet pllaka përkujtimore për nder të tij, në vendin ku ai ra heroikisht|.
Kryeparlamentari shtoi se sakrifica sublime e të gjithë zyrtarëve tanë policorë të rënë në detyrë i bën ata heronj të shtetit të Kosovës, ndërsa “ne na bën të përkulemi përballë këtij shembulli të dinjitetit dhe përkushtimit, që do të na frymëzojë të gjithëve ne dhe brezat që do të vijnë, për të na kujtuar se jeta jonë bëhet gjithnjë e më e plotë kur ajo është në shërbim të forcimit të atdheut, e jetët e dhëna për të janë jetë të përjetshme, siç është atdheu ynë”.
“Lavdi të gjithë policëve tanë që dhanë jetën e tyre në mbrojtje të shtetit tonë! U përkujtofshin me admirim dhe respekt përjetësisht!”.
Të tjera
-
Përurohet Shtëpia e Kulturës në Suharekë, Haradinaj: Komunat tona po luftojnë të përparojnë pa mbështetjen e duhur nga niveli qendror
Kryetari i Aleancës për Ardhmërinë e Kosovës (AAK), Ramush Haradinaj, ka vizi...
-
Dënohen me mbi 12 vjet burgim nëntë të akuzuarit për dëmtim të buxhetit mbi 2 milionë euro
Gjykata Themelore në Prishtinë në rigjykim, ka dënuar me 12 vjet e 9 muaj bur...
-
Agim Bahtiri e lëshon edhe këtë deklaratë: Edhe 146 ditë vendi mbetet pa opozitë
Ish-kryetari i Mitrovicës, Agim Bahtiri, ka befasuar me deklaratën e dhënë së...
-
Kusari-Lila: PDK, gjithçka munden me qenë veç liberalë jo
Shefja e Grupit Parlamentar e Lëvizjes Vetëvendosje, Mimoza Kusari-Lila ka th...
-
Ministrja gjermane: Kosova dhe Gjermania po bashkëpunojnë për një Evropë të gjelbër
Ministrja Federale gjermane për Klimë, Anna Lührmann, dhe kryeministri i Koso...
-
Qalaj: Ura e Ibrit duhet të hapet “por jo duke krijuar tensione”
Hapja e Urës së Ibrit për qarkullim të automjeteve e ka përkrahjen e Partisë ...
-
Babë e bir dënohen me 36 vjet burgim për vrasjen e ndodhur në Rahovec
Gjykata Themelore në Gjakovë i ka shpallur fajtorë babë e bir, Enver dhe Emir...
-
Enver Hasani thotë se Vuçiq synon izolimin dhe armiqësimin e mëtejmë të Kosovës me Perëndimin me 7 pikat e tij
Ish-Kryetari i Gjykatës Kushtetuese dhe Profesori i së Drejtës dhe Marrëdhëni...
-
Serbët nga Kosova për kërkesat dhe masat e Vuçiqit: Tradhti, mashtrim, besim
Dragan Nikolliq nga Leposaviqi shpreson se do të mund të kthehet në Policinë ...
-
Arrestohet anëtari i VV-së në Podujevë pasi e sulmoi sekretarin e degës së LDK-së
Dega e Lidhjes Demokratike të Kosovës në Podujevë, ka njoftuar mbrëmë se sekr...
-
Këtë vit, mbi 3 mijë e 300 kosovarë kërkuan azil në BE
Numri i kërkesave për azil nga shtetasit e Kosovës në një vend të Bashkimit E...
-
Osmani pas takimit me ministren gjermane: Gjermania e mbështet integrimin euroatlantik të vendit tonë
Presidentja e Republikës së Kosovës, Vjosa Osmani priti sot në takim Ministre...