Lajme

Nis bashkëpunimi serioz dhe strategjik midis Comodita dhe JYSK International

Autori: Gazeta inFokus 16:31 | 23 May 2024

Në ambientet e fabrikës Comodita, kanë qëndruar përfaqësuesit e kompanisë së mirënjohur në botë JYSK International, Laurence Muller, drejtoreshë e blerjeve Internacionale dhe Peter Budde Lautrup, menaxher i kategorisë së dyshekëve.

Në një hap të rëndësishëm për forcimin e partneritetit, Comodita dhe JYSK International kanë vendosur fillimin e një bashkëpunimi të ri me një marrëveshje afatgjate për prodhimin e dyshekëve dhe mbishtresave të cilët janë të destinuara për tregun global. Marrëveshja përfshin prodhimin e një sasie të konsiderueshme të produkteve që do të jenë prezente nëpër pikat shitëse të JYSK në të gjithë botën.

-Advertisement-

Gjatë kësaj vizite të rëndësishme, përfaqësuesit e JYSK International, u pritën nga drejtori z.Eroll Shabi dhe menaxhmenti i Comodita, ku u diskutua për fillimin e projekteve të reja dhe njëkohësisht ata patën mundësinë të shohin nga afër proceset e prodhimit dhe të vlerësojnë standardet e larta të kontrollit, cilësisë e kualitetit që ndjeken në çdo hap gjatë krijimit të produkteve. Përkushtimi i Comodita është që çdo dyshek dhe mbishtresë që prodhohet të përmbush standardet ndërkombëtare dhe pritshmëritë e larta të konsumatorëve.

Bashkëpunimi i Comodita me JYSK International është një dëshmi e besimit të ndërsjellë dhe sukseseve të mëdha të kësaj fabrike të arritura deri më tani. Nga ky bashkëpunim afatgjatë do të ketë përfitime të mëdha për të dyja palët.

Subscribe në YouTube: GAZETA INFOKUSI
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme