Lajme

Të shtëna me 2 viktima dhe 6 të plagosur në SHBA, policia në kërkim të 2 autorëve

Autori: Gazeta inFokus 07:17 | 22 April 2024

Të paktën dy persona kanë humbur jetën dhe gjashtë të tjerë janë plagosur pas të shtënave me armë gjatë një festë në një lagje të qytetin amerikan të Memphis.

Kjo ishte një festë që po ndodhte me sa dimë, pa leje. Në këtë aktivitet morën pjesë rreth 200 deri në 300 persona. Ne qëndrojmë së bashku për të denoncuar aktet e pakuptimta të dhunës në komunitetin tonë. Po punojmë pa u lodhur për të identifikuar personat që u përfshinë në këtë ngjarje”, tha shefja e policisë, Cerelyn Davis.

Sipas policisë një nga personat e plagosur ndodhet në gjendje kritike për jetën ndërsa një tjetër ka dalë nga spitali.

-Advertisement-

Departamenti i policisë fillimisht kishte raportuar gjithsej 16 viktima me armë zjarri, por më vonë nga hetimet pasuese rezultoi se kishte tetë viktima, duke përfshirë dy personat që humbën jetën.

Hetimet për ngjarjen e rëndë po vijojnë nga autoritetet. Policia ka sekuestruar pamjet filmike nga kamerat e sigurisë në vendngjarje dhe po kërkon autorët, për të cilët dyshon se janë të paktën dy persona që kanë qëlluar me armë zjarri.