Lajme

Ushtrimet serbe në kufi, Kurti: Serbia paraqet kërcenim për Kosovën

Autori: Gazeta inFokus 11:17 | 19 April 2024

Kryeministri i Kosovës, Albin Kurti duke komentuar ushtrimet e ushtrisë serbe, ka thënë se vendi ku do të behën këto ushtrime me dron luftarak kamikaz është vetëm 30 kilometra larg Kosovës dhe vetën 3 kilometra larg kufirit më Malin e Zi.

“Kjo është edhe një dëshmi se Serbia është instanca, faktori, aktori kryesor i përpjekjeve destabilizuese për rajonin e Ballkanit Perëndimor dhe paraqet kërcenim për Republikën tone të cilën ata nuk e njohin”,ka thënë Kurti,

Kurti është deklaruar për votimin e së dielës në veri të vendit. Ai ka theksuar se është vullneti nga ana e qeverisë që të mbahet ky votim.

-Advertisement-

“Në komunat të cilat 50% +1 të qytetarëve votojnë për t’ia ndërpre mandatin kryetarëve aktual, ne jemi garancion që kjo do të zbatohet me plotni e me shpejtësi. Këta kryetar mund të dalin nga zyrat, por jo me banda fashiste që dhunojnë KFOR-in, gazetarët e policinë e Kosovës. Nuk hyhet ne zyrë as me bomba as me granata, me të cilat janë sulmuar personeli i sigurisë e gazetarët. Prandaj ftoj të gjithë qytetarët, pa dallim etnie që te dalin dhe te votojnë me 21 Prill për t’ia ndërprerë mandatin kryetarëve aktual, nëse mendojnë se nuk kanë qeverisur mirë, apo që mendojnë se ka njerëz me të mirë që një orë e më parë duhet të jenë në ato zyre. Por, kjo duhet të ndodhë me proces demokratik jo me banda të dhunshme, me banda të dhunshme nuk mund të hyhet në zyre, vetëm me proces zgjedhor”, ka theksuar Kurti.

Subscribe në YouTube: GAZETA INFOKUSI