Lajme

“Lironi pengjet palestineze”, Izraeli bie pre e hakerimit, vidhen të dhënat nga kompjuterët e Ministrisë së Mbrojtjes

Autori: Gazeta inFokus 17:01 | 10 April 2024

Një grup hakerash pretendoi se kishte hyrë në sistemin e kompjuterave të Ministrisë së Mbrojtjes izraelite dhe kishte marrë informacione.

Burimet e sigurisë konfirmuan për të përditshmen Israel Hayom se kishte pasur me të vërtetë një shkelje në kompjuterët e ministrisë.

Grupi i hakerëve që bëri pretendimet në Telegram pohoi se kishte aksesuar me sukses të dhënat nga sistemet kompjuterike të Ministrisë së Mbrojtjes, shtoi e përditshmja.

-Advertisement-

Ndër dokumentet që dyshohet se i përkisnin Ministrisë së Mbrojtjes ishin “komunikimet dhe urdhrat”, të cilat hakerët i ofruan për shitje për 50 bitcoin (rreth 3.45 milionë dollarë).

Për më tepër, e përditshmja izraelite raporton se hakerët kishin marrë të dhëna, por do të konsideronin shitjen e tyre vetëm nëse Izraeli pranonte të lironte 500 të burgosur palestinezë.

Subscribe në YouTube: GAZETA INFOKUSI