Lajme

Ngjela: Kurti nuk është burrështetas, Kosova do vuajë

Autori: Gazeta inFokus 15:08 | 19 March 2024

Analisti politik dhe ish-ministri i Drejtësisë në Shqipëri, Spartak Ngjela ka thënë se Kosova mund të vuajë pasojat e politikës së kryeministrit Albin Kurti të cilat kanë sjellë përplasje me Shtetet e Bashkuara të Amerikës.

Në një deklarim për Euronews Albania, Ngjela tha se pavarësinë e Kosovës e ka sjellë ShBA-ja, e jo UÇK-ja, e as Kurti.

Ai tha se është gabim të ketë përplasje me Amerikën.

-Advertisement-

“Është gabim [përplasja me ShBA-të]. Ai ka pasur një lëvizje me karakter ultra-nacionale, kundër këtyre, kundër atyre por e ka gabim. Pyetja është pavarësinë kush ia ka dhënë. Pse s’doli Kurti në luftë? S’doli në luftë. E përkrahu UÇK-në, por në luftë s’doli. Pavarësinë nuk ia ka dhënë Kosovës as UÇK-ja, as Kurti, por ia ka dhënë politika amerikane”, tha Ngjela

“Ai nuk është burrë shteti, kështu që do ta vuajë Kosova”, tha Ngjela. “Kosovës i duhet një burrështeti”.

Ngjela tha se politika amerikane mbështetet më shumë te presidentja Vjosa Osmani, sesa te kryeministri Kurti.

Subscribe në YouTube: GAZETA INFOKUSI