Lajme

Vendimi i Kurtit për Manastirin, kryetari i historianëve në Deçan nesër del para mediave

Autori: Gazeta inFokus 13:02 | 13 March 2024

Kryetari i Lidhjes së Historianëve të Kosovës “Ali Hadri” në Deçan, Shkodran Imeraj, nesër do të dalë para mediave.

Deklarimin për media ai do ta bëjë para zyrave të Agjencisë Kadastrale në orën 15:00.

“Në ora 15:00, para zyrave të Agjencisë Kadastrale të Kosovës në Prishtinë (ndërtesa e Arkivit të Kosovës) në lagjen e Spitalit, kryetari i Lidhjes se Historianëve të Kosovës “Ali Hadri” dega në Decan, Dr.Shkodran Imeraj, do të ju drejtohet mediave.”

-Advertisement-

Kryeministri Albin Kurti ka njoftuar sot në mbledhjen e Qeverisë se i ka kërkuar Agjencionit Kadastral të Kosovës që ta zbatojë vendimin e Gjykatës Kushtetuese për t’ia regjistruar pronën Manastirit të Deçanit.

“Për të arritur një qëllim shumë më madhor që ia kemi borxh shtetit e që hap mundësi të papara më herët ne duhet të bëjmë një hap përpara me maturi e përgjegjësi si një vend i pavarur e sovran. Andaj, sot i kemi thënë Agjencionit Kadastral të Kosovës që ta zbatojë vendimin e Gjykatës Kushtetuese”, ka deklaruar Kurti në mbledhjen e Qeverisë.

Subscribe në YouTube: GAZETA INFOKUSI