Lajme

Stano e quan të papranueshme sjelljen e Besnik Bislimit ndaj zyrtarëve të BE-së

Autori: Gazeta inFokus 13:31 | 22 February 2024

Zëdhënësi i BE-së, Peter Stano të enjten ka thënë se sjellja e zëvendëskryeministrit të Kosovës, Besnik Bislimi, ndaj zyrtarëve të Bashkimit Evropian është e papranueshme.

“Ne shpresojmë se zoti Bislimi do t’i vlerësojë përpjekjet, në vend që në mënyrë të pabazë, t’i akuzojë zyrtarët e BE-së. Një sjellje e tillë është e papranueshme”, është shprehur Stano.

Të mërkurën, Bislimi ka thënë se e refuzoi një ftesë të Brukselit për të biseduar lidhur me çështjen e ndalimit të dinarit serb në Kosovë dhe e akuzoi të dërguarin e posaçëm të BE-së për dialogun mes Kosovës dhe Serbisë, Mirosllav Lajçak, për shkelje të parimeve.

-Advertisement-

Tutje, Bislimi ka transmetuar se Lajçaku, me dërgimin e kësaj ftese, kishte shkelur “parimet që i ka vendosur vetë”, pasi sipas tij, “është hera e parë që ai ka caktuar një takim pa pajtim paraprak me palët dhe është munduar që të përcaktojë agjendën përkundër parimeve që ai ka vendosur në vitin 2021, që asnjë temë nuk vendoset në agjendë pa pajtimin e palëve”.

Subscribe në YouTube: GAZETA INFOKUSI