Lajme

Haradinaj: Kurti s’mund ta ndryshojë kursin tonë, Kosova është aleate e sigurisë globale, në krye me SHBA’në

Autori: Gazeta inFokus 16:57 | 20 February 2024

Kreu i AAK-së dhe ish-kryeministri i Kosovës, Ramush Haradinaj ka reaguar ndaj deklarimeve të kryeministrit të Kosovës, Albin Kurti, se Kosova është aleate e SHBA-së por jo për gjithçka pajtohet me Washingtonin zyrtar. Haradinaj thotë se kjo është një përpjekje dëshpëruese e Kurtit për të fshehur mospajtimet që ka me amerikanët pikërisht në fushën e sigurisë.

Haradinaj thotë se  për sigurinë e Kosovës s’mund të ketë dallime e as mospajtime me partnerët, pasi që siguria e Kosovës dhe e rajonit garantohet vetëm duke qenë të bashkuar me aleatët, në mënyrë të veçantë me SHBA-në dhe duke u bërë pjesë e NATO-s.

Ish-kryeministri Haradinaj ka thënë se Kosova është aleate sa i përket sigurisë globale dhe një gjë e tillë s’mund të ndryshojë pavarësisht asaj se kush e drejton qeverinë e vendit. Haradinaj ka thënë se ky është jo vetëm përcaktim por orientim i pandryshueshëm i Kosovës.

-Advertisement-

“E para, Kosova është aleat në çështjet e sigurisë globale dhe kjo nuk mund të ndryshojë asnjëherë, pavarësisht se kush është në krye të qeverisë. Kjo është, jo vetëm përcaktim por edhe orientim i pandryshueshëm i yni.

Deklaratat e Kryeministrit se, jo për gjithçka pajtohemi me Shtetet e Bashkuara, janë përpjekje dëshpëruese të tij për të fshehur mospajtimet e tij, pikërisht aty ku nuk duhet, në sferën e sigurisë.

Për sigurinë, nuk mund të ketë as dallime e as mospajtime me partnerët! Siguria e Kosovës dhe Rajonit, garantohet vetëm duke qenë të bashkuar me aleatët, posaçërisht me ShBA dhe duke u bërë pjesë e NATO-s!”, ka shkruar Haradinaj.

Subscribe në YouTube: GAZETA INFOKUSI
Etiketa:
E treta e verteta, shpallet fituesi I trete I Lojes Shperblyese se Artmotion?
-Advertisement-

Të tjera

Fokusi

lajme