Kurti: Kosova mbetet e përkushtuar për anëtarësim në BE dhe NATO
![](https://gazetainfokus.com/wp-content/uploads/2024/02/96121708173658.jpg)
Autori: Gazeta inFokus
13:47 | 17 February 2024
Kryeministri i Kosovës, Albin Kurti ka thënë se nëse Serbia do të kishte ndier përgjegjësi për gjenocidin në Kosovë do ta njohur Pavarësinë e Kosovës, qysh në vitin 2008.
Kurti në fjalimin tij, në seancën solemne të Kuvendit, me rastin e 16-vjetorit të Pavarësisë së Kosovës, theksoi se Serbia në vend që të nënshkruajë Marrëveshjen Bazike për normalizim të marrëdhënieve me Kosovën, ajo përfaqësojë terrorizmin, duke kryer agresion ushtarak më 24 shtator të vitit 2023 në Banjskë.
Ai përmendi edhe pasivizimin e adresave të shqiptarëve në Luginën e Preshevës.
“Të gjithë ne e kemi të qartë se në rast se Serbia shtetërore do të ishte ndjerë sado pak përgjegjëse për gjenocidin në Kosovë, nëse në politikën e saj do të kishte mbizotëruar arsyeja dhe jo revanshizmi shovinist ajo do të duhej të kishte njohur Kosovën qysh në vitin 2008. Kosova garanton të drejta më të gjëra për pakicat në rajonin tonë, posaçërisht për serbët që përfitojnë dhe kontribuojnë në shtetin tonë të përbashkët. Ndërkaq, shqiptarët në Luginën e Preshevës janë pakica më e diskriminuar në Evropë, ku edhe sot po i nënshtrohen spastrimit, përmes të ashtuquajturit pasivizim të adresave”, tha Kurti.
Ai para deputetëve dhe ambasadorëve të akredituar në Kosovë, akuzoi Serbinë se po ndjek rrugën e konfrontimit dhe bllokadës me Kosovën.
“Është për keqardhje dhe fatkeqe që fqinji jonë verior ka zgjedhur rrugën e konfrontimit dhe të bllokimit të funksionimit të brendshëm të Republikës sonë dhe njohjeve të saj së jashtmi. Ajo fillimisht kishte refuzuar propozimin franko-gjerman dhe sot vazhdon të refuzojë nënshkrimin e marrëveshjes bazike për normalizimin e marrëdhënieve me Kosovën që sjell fqinjësi të mirë evropiane. Në vend të saj, ajo përqafojë terrorizmin. Edhe aty ajo dështoi me turp përballë heroizmit dhe profesionalizimit të policisë sonë. Mirëpo për mbrojtjen e Republikës sonë prej terroristëve të financuar nga Serbia u desh që përsëri të jepmi dëshmorë. Rreshteri Afrim Bunjaku i shtohet plejadës së dëshmorëve tonë, pa sakrificën sublime të tyre ne nuk do të përkujtonim sot përvjetorin e Republikës”, theksoi Kurti.
Krahas kësaj, Kurti, theksoi se Kosova mbetet e përkushtuar për anëtarësim në Bashkim Evropian dhe NATO.
“Kosova mbetet e përkushtuar për Procesin e Berlinit, planin e rritjes dhe do të vijojë punën me partnerët dhe aleatët tanë perëndimor për anëtarësim në NATO dhe Bashkim Evropian, sidomos anëtarësimi i Kosovës në NATO është një imperativ për të garantuar sovranitetin e shtetit tonë dhe për të penguar influencat e Rusisë në rajon. Bashkëpunimi me Shqipërinë do të shtohet dhe qeveria mbetet e zotuar për të zbatuar marrëveshjet midis dy shteteve tona. Kosova është në krah të Maqedonisë së Veriut dhe Malit të Zi si shtete fqinje që ndajmë vlera të njëjta. Ne besojmë se qytetarët shqiptarë në këto vende do të jenë një faktor për paqe, drejtësi dhe aleancë me perëndimin”, shtoi ai.
![](https://gazetainfokus.com/wp-content/uploads/2024/08/Universum.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...