Rozë

Sëmundja e rrallë dhe e pashërueshme nga e cila vuan Celine Dion

Autori: Gazeta inFokus 09:51 | 20 December 2023

Këngëtarja e njohur franko-kanadeze, e famshme në vitet ‘2000, po vuan nga një çrregullim neurologjik i quajtur sindromi i personit të ngurtë, i cili bën që trupi të sulmojë qelizat e veta nervore.

Motra e Celine Dion ka ndarë lajmin rrëqethës për sëmundjen e saj, duke zbuluar se ajo nuk ka më “kontroll mbi muskujt”.

Këngëtarja e “My Heart Will Go On”, hitit kolonë zanore të “Titanic”-ut, u detyrua të anulonte angazhimet e saj në turne dhjetorin e kaluar pasi zbuloi se ishte diagnostikuar me Sindromën e Personit të ngurtë – një sëmundje e rrallë neurologjike që shkakton konvulsione të rënda.

-Advertisement-

Pasi u tërhoq nga qendra e vëmendjes për t’u fokusuar në rimëkëmbjen e saj, 55-vjeçarja i kënaqi fansat muajin e kaluar kur shkroi disa mesazhe gjatë një shfaqjeje në Las Vegas për një lojë NHL.

Në një intervistë të re, Claudette Dion ka folur për mënyrën sesi motra e saj e përballon prapaskenën, duke shpjeguar se po punon shumë për të kapërcyer gjendjen e saj.

“Ajo që më thyen zemrën është se ajo ishte gjithmonë e disiplinuar. Ajo ishte gjithmonë një punëtore,” tha Claudette.

“Është e vërtetë që si në ëndrrat tona ashtu edhe të saj synohet rikthimi në skenë. Në çfarë cilësie? Nuk e di”, shtoi ajo.

Aktualisht nuk ka një kurë të njohur për sindromën e personit të ngurtë, i cili thuhet se i kthen njerëzit në “statuja njerëzore” ndërsa trupi bëhet më i fortë.

Claudette tha se për shkak se është një gjendje kaq e rrallë, ka shumë pak kërkime mbi simptomat dhe trajtimet e mundshme.

“Për shkak se është një rast në një milion, shkencëtarët nuk kanë bërë aq shumë kërkime sepse nuk ka prekur aq shumë njerëz”, shtoi ajo.

Në dhjetor 2022, Celine hodhi dritë mbi sëmundjen e saj për herë të parë, duke u thënë fansave se ajo ishte diagnostikuar me një çrregullim të rrallë të lëvizjes autoimune që prek sistemin nervor qendror.

Etiketa:
Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

roze

Ky website përdor cookies. Duke vazhduar përdorimin, ju pranoni përdorimin e tyre.

Privacy policy