Lajme

“Veriu i Kosovës, tokë e askujt”, Rama: E kam thënë edhe për Lazaratin

Autori: Gazeta inFokus 09:51 | 07 Dhjetor 2023

Kryeministri i Shqipërisë, Edi Rama tha se s’ka thënë asnjëherë se veriu i Kosovës është tokë e huaj.

“E para njëherë, këto citimet kështu… tani je komplet e pasaktë sepse nuk kam thënë asnjëherë që është tokë e huaj, s’e kam thënë ndonjëherë”, tha Rama.

“Ju paskam lexuar dhe dëgjuar gabim atëherë”, i tha gazetarja Alba Alishani që e intervistoi në A2CNN.

-Advertisement-

“Totalisht. Nuk është e para me sa po shoh, kështu që nuk çuditem… Nuk jam këtu për të korrigjuar çdo citim… Në qoftë se jeni e vëmendshme dhe keni këtë kapje të mesazheve, atëherë nuk di se çfarë mund të bëni”, tha ai.

Rama tha se e ka përdorur një term të cilin e kishte përdorur edhe për Lazaratin në Shqipëri.

“Unë kam përdorur një term që e kam përdorur edhe për Lazaratin, për shembull kur kam thënë është bërë një tokë e askujt. Tokë e askujt nuk është tokë e huaj, është gjë tjetër”, tha ai.

“Tokë e askujt quhet vendi ku shteti nuk ka kontroll dhe që shteti i Kosovës në një fazë të gjatë nuk ka pasur kontroll mbi atë tokë, kjo është evidente apo jo? Këtë kam thgënë unë”, tha Rama.