BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
Autori: Gazeta inFokus 18:35 | 05 December 2023
Prishtinë, 5 dhjetor 2023 – BKT Kosova dhe Komiteti Olimpik i Kosovës (KOK) nënshkruan vazhdimin e marrëveshjes së sponsorizimit për një periudhë 10-vjeçare. Në ceremoninë zyrtare, kontrata u nënshkrua nga Suat Bakkal, Kryeshef Ekzekutiv dhe Anëtar Bordi në BKT Kosova dhe Ismet Krasniqi, President i KOK-ut.
I pranishëm ishte edhe kryetari i komunës së Prishtinës, Përparim Rama.
Partneritet i zgjeruar ndërmjet BKT Kosova dhe Komitetit Olimpik të Kosovës jo vetëm që do të forcojë bashkëpunimin në mes të dy institucioneve për një të ardhme më të mirë për rininë e Kosovës, por gjithashtu do të shënojë një angazhim të përbashkët në rrugëtimin drejtë ngjarjes historike – Lojërave Olimpike Mesdhetare Prishtinë 2030.
Marrëveshja e ripërtërirë e sponsorizimit, pozicionon BKT Kosovën si sponsorin më të madh të Komitetit Olimpik të Kosovës.
Vlera e përgjithshme e kontratës për periudhën 10-vjeçare është 3 milionë euro.
Duke cekur mbështetjen afatgjate prej BKT Kosova për Komitetin Olimpik të Kosovës, z. Krasniqi theksoi ndikimin pozitiv që kjo mbështetje ka për Komitetin Olimpik të Kosovës, lëvizjen Olimpike në vend, dhe më e rëndësishmja për sportistët që do të kenë përfitime të shumta nga ky bashkëpunim i qëndrueshëm dhe afatgjatë, duke u shprehur “Mbështetja afatgjate e BKT Kosova për familjen Olimpike është aset i madh, jo vetëm per Komitetin Olimpik të Kosovës dhe lëvizjen olimpike në vend, por veçanërisht për sportistët të cilët do të jenë përfituesit më të mëdhenj….. Në jemi krenarë që si institucioni më i lartë sportiv në vend, po vazhdojmë rrugëtimin tonë me një banka lidere në vend, për çka e falënderoj kryeshefin ekzekutiv, Suat Bakkal dhe udhëheqësit tjerë të bankës që kanë zgjedhur ta mbështesin KOK-un dhe sportin në përgjithësi”, tha presidenti Krasniqi.
Z. Suat Bakkal, Drejtor Ekzekutiv i BKT Kosova, konfirmoi mbështetjen e palëkundur të BKT Kosovë për sportin në Kosovë, duke njohur arritjet mbresëlënëse të vendit në këtë fushë. “Ky partneritet i vazhduar më tej kontribuon në zhvillimin dhe promovimin e sportit dhe sportistëve në nivelin më të lartë, për të çuar përpara sportin kosovar dhe sportistët që po shkëlqejnë çdo ditë në fushat e tyre, dhe më e rëndësishmja po bëhen ambasadorë të denjë të vendit. Kosova është shtet i ri dhe tashmë ka fituar tri medalje të arta olimpike. Suksesi i sportistëve Kosovarë ka bërë jehonë në mbarë botën, dhe sporti tani më, po bëhet eksporti më i madhë i Kosovës, andaj arritja e kësaj marrëveshje afatgjatë sot na bën ne, BKT Kosovën krenare që jemi pjesë e tregimeve të reja të suksesit në vitet në vijim.
Si një nga përkrahësit më të mëdhenj të sportit në Kosovë, duke mbështetur shumë projekte të cilat kanë ndikuar pozitivisht në fushën e kulturës, sportit e veçanërisht tek të rinjtë dhe fëmijët në përpjekjet e tyre për të arritur gjëra të mëdha, BKT Kosova angazhohet në mënyrë aktive si një partner strategjik për Komitetin Olimpik të Kosovës, duke iniciuar nisma më të gjera që përfshijnë të gjitha segmentet e komunitetit. Nëpërmjet fushatës “Bëhu Hero”, BKT Kosova angazhohet të shtrin ndikimin e saj, suksesi i të ciles i dedikohet sportit Kosovar dhe në përgjithësi vendit, ku 1% e çdo pagese e bërë me VISA Kartelë Krediti të BKT Kosova në POS të BKT Kosova shkon direkt në llogarinë e Komitetit Olimpik të Kosovës, të cilat fonde i dedikohen atletëve të cilët do të përfaqësojnë Kosovën në Lojërat Olimpike Paris 2024. Kjo përqindje e pagesës mbulohet nga banka. Kjo qasje bashkëpunuese nënvizon përkushtimin e BKT Kosova për të nxitur një ndjenjë kolektive të përgjegjësisë dhe fuqizimit, duke siguruar që përfitimet e partneritetit tonë të jenë gjithëpërfshirëse dhe në të mirë të gjithë vendit”, theksoi z. Bakkal.
Të tjera
-
Skandaloze: Në parcelën ku duhet të ndërtohet një çerdhe në Prishtinë, po ngrihet një objekt banesor
Një skandal i madh, i pa parë deri më tash po ndodh në komunën e Prishtinës, ...
-
Bashkëluftetari i Ilir Konushevcit: S’kemi menduar kurrë se do t’i bëhej pritë në shtetin që kishim më së shumti besim
Sot janë bërë 26 vjet që nga rënia e heroit të kombit, Ilir Konushevci, bashk...
-
Dita e Evropës, pse zgjedhjet e qershorit janë vendimtare për të ardhmen e BE-së
Ndërsa institucionet e Bashkimit Evropian shënojnë themelimin embrional me Di...
-
Kurti: Duhet të jemi pjesë e familjes evropiane e rrugëtimi ynë të vlerësohet në baza meritokracie
Në Ditën e Evropës, kryeministri Albin Kurti ka thënë se Kosova në vazhdimësi...
-
Osmani pjesë e tyrezës ekonomike në Dallas: I inkurajova që të bëjnë hapa konkret në dobi të ekonomive dhe qytetarëve tanë
Presidentja e vendit, Vjosa Osmani gjatë qëndrimit të saj në Amerikë ka zhvil...
-
Ish-deputetja e PDK-së thotë se la partinë për Limajn: Njerëz si ai i duhen vendit
Aderimi më i ri në partinë politike NISMA, Xhevahire Izmaku ka treguar se si ...
-
Kurti shpërblen sërish Adi Krastën me udhëheqjen e Festivalit të Këngës në RTK
Bordi i Radio Televizionit të Kosovës (RTK) ka njoftuar mbi riemërimin e Adri...
-
Osmani: Shqiptarët e Amerikës, urë e fuqishme e aleancës Kosovë – SHBA
Presidentja e Kosovës, Vjosa Osmani ka thënë se shqiptarët e Amerikës janë ur...
-
Nga QKUK-ja japin detaje për policin i cili u plag os në Zllakuqan në Klinës
Një polic u plagos në Zllakuqan të Klinës, derisa po intervenonte në një shtë...
-
Sveçla për policin e plagosur: Përgëzoj zyrtarin Januz Veselaj për reagimin profesional përkundër rrezikimit të jetës së tij
Ministri i Punëve të Brendshme, Xhelal Sveçla ka reaguar pas plagosjes së një...
-
Presidenti Italian: BE është në fazën më kritike
Presidenti Italian, Sergio Mattarella të enjten në mesazhin e tij për Ditën e...
-
Valchev: BE-në synon paqe
Objektivi kryesor i Bashkimit Evropian është që të gjithë në territorin e tij...