Lajme

Kurti: Dy muaj nga sulmi në Banjskë, Serbia e pa ndëshkuar

Autori: Gazeta inFokus 20:33 | 24 November 2023

Sot janë bërë dy muaj nga sulmi terrorist i një formacioni paraushtarak serb në Banjskë të Zveçanit, ku mbeti i vrarë rreshteri i Policisë, Afrim Bunjaku. Në këtë sulm, sipas autoriteteve kosovare të sigurisë, është vërtetuar se përfshirja direkte e Serbisë është faktike.

Periudha 60 ditore që kur ndodhi ky sulm sipas kryeministrit Albin Kurti është më se e mjaftueshme që të ketë hetim të hollësishëm dhe t’i vendosen sanksione Serbisë, në mënyrë që të mos përsëriten sulmet sikurse ai i 24 shtatorit.

“Për të mos ndodhur kjo, është i nevojshëm edhe konkluzioni i hetimeve të BE-së, KFOR-it, EULEX-it, SHBA-së, në njërën anën dhe sanksionet ndaj Serbisë në anën tjetër. Masat nuk i duam që të ketë ndëshkim, por parasëgjithash të mos ketë përsëritje…”, ka deklaruar Kurti.

-Advertisement-

Duke folur për deklaratën e presidentes Vjosa Osmani se në draftstatutin e Asociacionit të propozuar nga BE-ja ka çështje që krijojnë dykuptimësi, Kurti tha se draftin mund ta bëjnë publik emisarët, pasi siç tha ai, është dakorduar që mos të jetë i qasshëm për publikun.

Porse shtoi ai, se Serbia në vazhdimësi shkel marrëveshjet dhe nuk është e interesuar për normalizim.

“Me datën 26 tetor duke refuzuar nënshkrimin, ajo (Serbia) ka dëshmuar që nuk e ka fare Asociacionin për serbët, por e ka Asociacion kundër Kosovës. Po të ishte e interesuar për serbët e Kosovës, Serbia do të votonte për përparimin e Kosovë drejt anëtarësimit në KiE, sepse qytetarët serbë të Republikës sonë do të përfitonin shumë nga ky anëtarësim…”, ka deklaruar Kurti.

Ndërkohë, shefja e diplomacisë kosovare Donika Gërvalla ka deklaruar se drafti i Asociacionit nuk është shumë i mirë, por është një bazë e mirë për të punuar me të.

Gërvalla po ashtu tha se pas 24 shtatorit asgjë më nuk është njësoj dhe se negociata të kohërave të vjetra, nuk do të ketë më.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme