Lajme

“Leja për shkarkim të kryeshefit duhet që të jepet nga “mbreti” Albin Kurti”

Autori: Gazeta inFokus 14:38 | 31 Tetor 2023

Në Komisionin për Ekonomi, Industri, Ndërmarrësi dhe Tregti u diskutua për gjendjen e minatorëve.

Deputetja e LDK-së Valentina Bunjaku, tha se sa i përket kërkesë për shkarkim të kryeshefit leja duhet që të jepet nga “mbreti” Albin Kurti.

“Kërkesat e juaja janë të arsyeshme dhe esenciale, sa i përket shkarkimit të menaxhmenti duhet me dhënë pëlqimin mbreti Albin Kurti. Jemi në gjendje që të formojë një grup punues që ri ndihmojë edhe Qeverisë edhe juve që të dalim nga kjo gjendje. Si opozitë jemi të pafuqishme që të bashkëpunojmë me Qeverinë, sepse ata nuk pranojnë. Urgjentisht të ftohet ministrja sepse edhe unë kam informata që ajo është në Kosovë nuk është jashtë vendit”, tha ai.

-Advertisement-

Gani Osmani, minator, tha se shkaktar i të gjitha të këqijave është kryeshefi ekzekutiv. Ai tha se kërkesa kryesore e tyre është që ai të dorëhiqet.

“Asnjëherë nuk ka gjet një minutë më ardhur me shikuar se çfarë po ndodh më minatorët. Shkaktari i krejt këtyre është ky. Është dashur qeveria edhe deputet për hir të situatës me i kërkuar dorëheqjen”, tha ai.

Që nga 24 tetori, qindra minatorë dhe punonjës të tjerë kanë hyrë në grevë.

Kërkesa e tyre kanë të bëjnë me rritjen e pagave dhe kushteve më të mira si dhe shkarkim të kryeshefit.