Lajme

Policia e Kosovës parandalon një rast të kontrabandës me dele në veri

Autori: Gazeta inFokus 14:15 | 25 October 2023

Policia e Kosovës ka parandaluar një rast të kontrabandës në veri të vendit.

Përmes një njoftimi policia bën të ditur se Njësia Rajonale e Hetimeve Kufitare ‘Veriu’, ka ndaluar veturën kombi me targa vendore, ku drejtues ishte personi i dyshuar T. A.

“Gjatë kontrollit në automjet janë gjetur të ngarkuara 22 dele pa dokumentacion të nevojshëm, ku dyshohet se disa prej tyre janë të kontrabanduara nga territori i Serbisë. Me autorizim të prokurorit kompetent, rasti procedohet në procedurë të rregullt, delet dhe mjeti sekuestrohen, ndërsa në koordinim me Doganën e Kosovës dhe Agjencionin e Ushqimit dhe veterinës AUV po ndërmerren veprimet e mëtejme”, thuhet në njoftim.

-Advertisement-

Tutje Policia e Kosovës ka theksuar se mbetet e përkushtuar në luftimin e të gjitha dukurive negative dhe të paligjshme në të gjithë territorin e Republikës së Kosovës.

Subscribe në YouTube: GAZETA INFOKUSI