Ministrja e Drejtësisë, Albulena Haxhiu, pas sulmit terrorist në veri të Kosovës më 24 shtator ka shprehur qëndrimin e saj nëse duhet të vazhdojë dialogu ndërmjet Kosovës dhe Serbisë.

Ajo ka theksuar se pas këtij sulmi, diskutimet për vazhdimin e dialogut janë të paarsyeshme, duke argumentuar se kërkesat për vazhdimin e dialogut nuk duhet të kishin qenë një prioritet pas këtij sulmi terrorist.

Ministrja Haxhiu ka thënë se është e rëndësishme që pas sulmit terrorist në Kosovë, përqendrimi duhet të jetë në kërkesat për sanksione ndaj Serbisë.

-Advertisement-

“Unë mendoj që diskutimet për vazhdimin e dialogut pas 24 shtatorit janë komplet të paarsyeshme. Kërkesat që dialogu të vazhdojë unë mendoj që nuk është dashur të na vinin. Për faktin që gjithçka para 24 shtatorit ka mundur të jetë ndryshe”.

“Ne e kemi ditur kush është Serbia, e kemi thënë në vazhdimësi atë, mirëpo pas 24 shtatorit ku kemi pasur sulm terrorist në territorin tonë e ku është vrarë një polic, i gjithë fokusi jonë duhet të vendoset tek kërkesa për sanksione ndaj Serbisë, dhe kjo kërkesë i shkon partnerëve tanë, vendeve mike, vendeve që e kanë mbështetur Republikën e Kosovës, sikurse vendet e BE-së, SHBA-ja, që janë partnerët tanë strategjik”, ka deklaruar ajo.

Ajo ka shprehur besimin se kjo kërkesë për sanksione do të ketë mbështetjen e partnerëve të Kosovës, përfshirë vendet e Bashkimit Evropian dhe Shtetet e Bashkuara të Amerikës, të cilat janë partnerët strategjikë të Kosovës.

Ministrja Haxhiu ka gjithashtu theksuar se veprimet e Serbisë, duke përfshirë arrestimin e personit të dyshuar për sulmin terrorist, tregojnë që Serbia ka qëllimin e saj të aneksimit të territoreve në Kosovë.

“Me diskutua për dialogun në një situatë të tillë, e kemi parë dje që kishe e kanë ndaluar terroristin Radojçiq, dhe i kishin vendosur disa ndalesa edhe konfiskim apo çka ishte ajo për pasaportën vetëm kinse të mos shkojë në Republikën e Kosovës, këto janë fazat e Serbisë, ajo po tregon se përnjëmend është e futur nga fillimi deri në fund këtë sulmin terrorist, në këtë përpjekjen e saj për ta aneksuar”.

“Prandaj me një Serbi të tillë unë mendoj që pas 24 shtatorit çfarëdo diskutimi për dialogun nuk është se na shërben pra duhet të fokusohemi tek kërkesa për sanksione dhe në anën tjetër tek siguria për Republikën e Kosovës”, ka deklaruar tutje ministrja Haxhiu.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-