Lajme

Haziri: Masat ndëshkuese do t’i prekin eksponentë të LVV-së dhe Listës Guxo, jo qytetarët

Autori: Gazeta inFokus 14:04 | 22 September 2023

Lutfi Haziri, nënkryetar i LDK-së, thotë se ngecja në dialog po ndodh si shkak i Kryeministrit Kurti, dhe deklaratave të tij se Kosova dhe Serbia janë të pabarabarta në tryezë në sytë e Bashkimit Evropian.

Tetë runde dialogu, pa rezultat, Haziri tha se po i kushtojnë Kosovës me masa ndëshkimi.

“Nuk po presim me pasë rikonfigurim të dialogut sepse situata e tillë kur kemi ngërçe të tilla të shkaktuara, ajo që po quhet pabarazi në dialog nga ana e kryeministrit në përfaqësim edhe në gjithçka që deri tash e kemi identifiku, sepse janë mbajtë tetë runde të takimeve në mes të Serbisë dhe Kosovës dhe nuk kanë sjellë asnjë rezultat”, deklaroi Haziri në ATV.

-Advertisement-

“Përkundrazi Kosova tani është në masa ndëshkimi, me efekte në Qeveri, në ekzekutiv, por çmimin e kanë paguar FSK-ja e para dhe tani kufizimi i lëvizjes së lirë dhe takimeve sipas një agjende të programuar, shumë ministrave të Qeverisë që lidhen me MSA, marrëdhënia e parë që ne si Qeveri e kemi sjellë, LDK-ja”.

Mirëpo, pavarësisht se pati paralajmërime për dënime kolektive nga BE-ja, sipas Hazirit, ata që do ndëshkohen janë eksponentë politikë të pushtetit, nga Lëvizja Vetëvendosje dhe Lista Guxo.

“Paralajmërim tek masa e vizave dhe liberalizimi, por ky është dënim kolektiv. Duhet me e falënderua shumë Berlinin sa që nuk lejoi me u zgjeru drejt një dënimi kolektiv, por masat ndëshkuese do të jenë ndaj zyrtarëve, eksponentëve politikë që i bjen Vetëvendosja e GUXO në këtë qeverisje të koalicionit si dhe pakicave të partnerëve të koalicionit”, tha Haziri.

Subscribe në YouTube: GAZETA INFOKUSI