Lajme

Ukraina shkatërron 27 dronë dhe një raketë balistike! Zelensky nga New York: S’e kuptoj pse Rusia ka ende një vend në OKB

Autori: Gazeta inFokus 10:02 | 19 Shtator 2023

Sistemet e mbrojtjes ajrore të Ukrainës shkatërruan 27 nga 30 dronë dhe një raketë balistike Iskander të lëshuar nga Rusia në territorin e Ukrainës në orët e para të mëngjesit të sotëm. Lajmi u konfirmua nga forcat ajrore të Ukrainës në Telegram.

“Dronët Shahed të prodhuar nga Irani u shkatërruan në rajonet jugore, qendrore dhe perëndimore të Ukrainës, ndërsa raketa u lëshua në drejtim të Kryvyi Rih në Ukrainën qendrore“, thuhet në njoftim.

Nisur nga zhvillimet në Ukrainë, presidenti Volodymyr Zelensky ka vënë në pikëpyetje vendimin e Kombeve të Bashkuara për të lejuar ministrin e Jashtëm rus, Sergei Lavrov, një ulëse (çka përkthehet në zë për Rusinë) në organizmin botëror, pavarësisht krimeve të luftës në Ukrainë.

-Advertisement-

Gjatë vizitës në një spital në New York ku po trajtohen ushtarët ukrainas, Zelensky tha se trupi i liderëve botërorë duhet të japë përgjigjje.

“Për ne, është shumë e rëndësishme që të gjitha fjalët tona, të gjitha mesazhet tona, të dëgjohen nga partnerët tanë. Dhe nëse në Kombet e Bashkuara – është për të ardhur keq, por ende – ka një vend për terroristët rusë, pyetja nuk është për mua”- tha Zelensky, ndërsa shtoi se: “Unë mendoj se është një pyetje për të gjithë anëtarët e Kombeve të Bashkuara”.

Më vonë sot udhëheqësi ukrainas do t’u drejtohet liderëve botërorë në Asamblenë e Përgjithshme të OKB-së dhe gjithashtu do të flasë për luftën në Ukrainë në një takim të Këshillit të Sigurimit të OKB-së.

Zoti Lavrov pritet të bëjë vërejtje në takim dhe kur Zelensky u pyet nëse do të qëndronte në dhomë për të dëgjuar atë që kishte për të thënë, ai tha: “Nuk e di se si do të jetë, me të vërtetë”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy