Lajme

Kajtazi: Shteti është marrë me personin që flet në telefon me ish-shefin e BIA-s

Autori: Gazeta inFokus 23:21 | 13 September 2023

Gazetari dhe pronari i portalit “Paparaci”, Vehbi Kajtazi, ka folur për audio-incizimin që ky medium e ka publikuar që pretendon se është në mes të shefit të BIA-s për Kosovë, Bojan Dimiq, dhe një personi tjetër.

Kajtazi tha se personi që Dimiq flet me të nuk është figurë publike, por shton se shteti i Kosovës është marrë me të më herët.

“Shteti është marrë me të më herët, janë marrë organet e sigurisë, të inteligjencës një kohë të gjatë. Do të duhej tash të merrej shumë seriozisht sepse përmbajtja e bisedës është goxha e rëndë”.

-Advertisement-

“Nuk është person publik, njerëzit e njohin por AKI-ja dhe komplet shteti ynë është i nënshtruar në raport me Prokurorinë në Hagë”, tha Kajtazi në Rubikon në Klan Kosova.

Tutje, Kajtazi tha se Prokuroria e Specializuar në Hagë ka kompetenca që ta hetojë edhe Agjencinë e Kosovës për Inteligjencë.

“Tash, nën këtë lloj presioni është problem me u marrë edhe me raste të tilla nga frika se mos po ndërhyjnë në procesin në Hagë. Prokuroria është marrë edhe me AKI-në dhe me institucione të tjera të vendit dhe për këtë arsye është goxha e vështirë për t’u marrë me të pikërisht për shkak të mundësisë për hetime apo përndjekje penale që mund të pasojnë nga Prokuroria në Hagë”, tha Kajtazi, njofton Klankosova.tv.

Më tej, ai përmendi edhe një shifër të bashkëpunëtorëve të Serbisë në Kosovë, për të cilën tha se institucionet e vendit në vitin 2013-14 kanë thënë se në periudhën e pasluftës, Serbia i ka rreth 30 mijë bashkëpunëtorë në Kosovë.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme