Lajme

VV-ja ia përmendi 2.1 milionshin/ Bajrami: E keni votuar për guvernator të BQK-së ish drejtorin e Thesarit në kohën kur ndodhi akti

Autori: Gazeta inFokus 18:43 | 20 August 2023

Deputetja e Lidhjes Demokratike të Kosovës (LDK), Hykmete Bajrami i është përgjigjur deputetit të Levizjes Vetëvendosje, Arbër Rexhaj, i cili  ka përmendur vjedhjen e 2.1 milionë eurove gjatë kohës sa ministre e Financave ishte Hykmete Bajrami, në vitin 2020.

Bajrami ka shkruar në Facebook të dielën se ajo kishte denoncuar këtë korrupsion dhe se sot fajtorët gjenden në burg.

”Arbër Rexhaj nuk mund t’a mbulojë korrupsionin e kësaj qeverie duke përmendë 2.1 milionshin. Po ja rikujtoj atij dhe atyre që ende i besojnë propagandës së LVV-së, se hajnat e 2.1 milionë eurove i kam denoncu e para dhe sot ata janë në burg“, ka thënë ajo.

-Advertisement-

Më tutje, Bajrami tha se Lëvizja Vetëvendosje se Lëvizja Vetëvendosje ka votuar për guvernator të Bankës Qendrore të Kosovës ish Drejtorin e Thesarit, gjatë kohës sa ndodhi akti i 2.1 milionëshit.

”Për me tepër Arbër Rexhaj dhe krejt deputetët e 51%, në seancën e fundit e kanë votu për guvernator të Bankës Qendrore të Kosovës ish Drejtorin e Thesarit, që d.m.th. se janë të bindur se z. Ismaili si drejtor i Thesarit dhe une si ministre nuk kemi asnjë faj për atë rast“, ka thënë ajo.

”2.1 milionshin nuk mund ta përdorni më për të më sulmuar  sepse me votat e juaj ish drejtori i Thesarit sot është guvernator i BQK-së. Qeveria e LVV/miq e bashkpunëtorë të Arbër Rexhajt  që dy vite e gjysëm janë duke kërku në tri ministri ku unë kam qënë ministre për ndonjë shkelje ligjore por s’kanë gjetë asgjë. Kjo Qeveri deri me tani ka dërgu plot lëndë në gjykata, por asnjë lëndë, as edhe një nuk lidhet me emrin tim. Unë flasë sepse nuk i friksohem të kaluarës sime, veç keni me shpifë se kurrë asnjë shkelje s’keni me gjetë“, ka thënë Bajrami.

Qeveria e Kosovës po akuzohet për një skandal që ka përfshirë rezervat shtetërore, kryeministri, Albin Kurti, ka mohuar se ka korrupsion – por arrestimet e para taashmë kanë ndodhur. 

Subscribe në YouTube: GAZETA INFOKUSI
UNICEF-i global boton artikull për rezultatet e partneritetit me Devolli Corporation: U fuqizuan gratë, përfituan familjet
-Advertisement-

Të tjera

Fokusi

lajme