Lajme

Policia jep detaje për plagosjet në Bon Vivant, katër persona janë plagosur me armë, 17 të tjerë kanë pësuar lëndime nga thyerja e shisheve

Autori: Gazeta inFokus 09:08 | 05 August 2023

21 persona kanë mbetur të lënduar si pasojë e disa të shtënave me armë zjarri në lokalin Bon Vivant në Prishtinë, shkruan Gazeta Infokus.

Sipas raportit të policisë, katër persona janë plagosur nga të shtënat me armë, ndërkaq si pasojë e thyerjeve të gotave–shisheve të qelqit lëndime kanë pësuar 17 persona, prej tyre tre meshkuj dhe 14 femra.

Ndërkaq, katër të dyshuarit mbeten të hospitalizuar në QKUK dhe me vendim të prokurorit ndalohen (nën përkujdesje të policisë).

-Advertisement-

“Në vendin e ngjarjes kanë dalë njësit relevante policore dhe njësia K-9, në vend-ngjarje janë gjetur katër gëzhoja dhe njolla gjaku. Një i dyshuar mashkull gjendet në arrati”, thuhet në raportin e policisë.

Kurse, një person nuk ka arritur t’u mbijetojë plagëve.

Këtë për Klankosova.tv e bëri të ditur doktor Shaqir Uka nga Klinika Intensive, i cili tha se i ndjeri për shkak të plagëve të mëdha që kishte marrë nuk mundi të mbijetojë.

“Ka vdekur njëri prej të lënduarve nga plagët që kishte nga gjuajtja me armë në orët e mbrëmshme në Prishtinë”

“Ai ishte nën kujdesin intensiv kishte intervenik kirurgjik por për shkak të lëndimeve të mëdha, fatkeqësisht ka ndërruar jetë pasi nuk ka arritur t’i përballojë plagët”, ka thënë Uka.

Raporti i plotë:

VRASJE E RËNDË NË TENTATIVË & PJESËMARRJE NË RRAHJE

Rr. Xheladin Hana, Prishtinë 04.08.2023-20:17. Dyshohet se pas një mosmarrëveshje në një lokal, në mes të disa të dyshuarve meshkuj kosovarë, janë përdorur edhe armë zjarri (të shtëna me armë zjarri), si pasojë e kësaj lëndime trupore kanë pësuar katër të dyshuar meshkuj kosovarë (nga arma e zjarrit), ndërsa si pasojë e thyerjeve të gotave–shisheve të qelqit lëndime kanë pësuar 17 persona, prej tyre tre meshkuj dhe 14 femra. Katër të dyshuarit mbeten të hospitalizuar në QKUK dhe me vendim të prokurorit ndalohen (nën përkujdesje të policisë). Në vendin e ngjarjes kanë dalë njësit relevante policore dhe njësia K-9, në vend-ngjarje janë gjetur katër gëzhoja dhe njolla gjaku. Një i dyshuar mashkull gjendet në arrati./Gazeta Infokus

Subscribe në YouTube: GAZETA INFOKUSI