Lajme

Dështon mbledhja/ Bislimi s’shkon për të raportuar para deputetëve, në sallë i vendosen posterë duke gjuajtur me shishe Mërgim Lushtakun

Autori: Gazeta inFokus 10:07 | 21 July 2023

Ka dështuar të mbahet mbledhja e Komisionit për Integrime Evropiane, e paraparë për në orën 09:00 për shkak se zëvendëskryeministri Bislimi nuk ka shkuar për të raportuar para deputetëve.

Paraprakisht, deputetja e Partisë Demokratike të Kosovës, Blerta Deliu-Kodra, ka vendosur disa posterë në sallën ku do të mbahej mbledhja, e ku shihet zëvendëskryeministri Besnik Bislimi duke e gjuajtur me shishe deputetin e PDK-së, Mërgim Lushtakun.

-Advertisement-

Foto: EO
Kujtojmë se zëvendëskryeministri Bislimi javën e kaluar u përfshi në një përleshje në Kuvend, ku ishin të përfshirë deputetë të PDK-së dhe ministra nga pushteti. Mes tyre edhe nga Kosova, nëntë persona helmohen nga një material kimik në një hotel në Shëngjin.Situata eskaloi kur Bislimi gjuajti me shishe të ujit në drejtim të deputetit të PDK-së, Mërgim Lushtaku i cili paraprakisht lagu me ujë kryeministrin Kurti, i cili në ato momente po mbante fjalim në foltore.

Situata në Kuvend nuk u qetësua derisa Bislimi e Ministri i Financave, Hekuran Murati lëshuan sallën.

PDK e ka fajësuar pushtetin, duke e cilësuar si skenar të saj dhunën në Kuvend, derisa në anën tjetër nga pozita kanë hedhur akuza në drejtim të Partisë Demokratike.

Shefi i Grupit Parlamentar të PDK-së, Abelard Tahiri gjatë ditës së djeshme ka bërë të ditur se kjo parti ka dërguar në Gjykatën Kushtetuese vendimin për caktimin e Seancës Plenare të javës së kaluar, pasi sipas tyre ishte caktuar dhe ftuar në kundërshtim me Kushtetutën e Republikës së Kosovës dhe Rregulloren e Punës së Kuvendit, shkruan gazeta online Reporteri.net.

Tahiri ka shkruar në Facebook, se si palë e autorizuar pranë Gjykatës Kushtetuese të Republikës së Kosovës, kemi parashtruar kërkesën për vlerësimin e kushtetutshmërisë së Vendimit për caktimin e Seancës Plenare të datës 13 korrik 2023 të Kryetarit të Kuvendit të Republikës së Kosovës, me kërkesën që i njëjti në tërësi të anulohet.

Subscribe në YouTube: GAZETA INFOKUSI