E refuzoi për takim, Rama nuk pranon të komentojë deklaratën e Kryeministrit Kurti
Autori: Gazeta inFokus 13:54 | 05 July 2023
Kryeministri i Shqipërisë, Edi Rama sot në konferencë për media është pyetur lidhur me refuzimin për takim nga Kryeministri i Kosovës, Albin Kurti.
Kryeministri shqiptar nuk pranoi të komentojë mbi deklaratën e Kurtit të bërë sot pas mbledhjes së Qeverisë së Kosovës, ndërsa tha se për turin, do të flas nesër në Prishtinë, kur të jetë koha për të folur.
“Nuk kam lidhje me këtë. Për sa i përket vajtjes nesër në Prishtinë, gjithë turit, do të flas kur të jetë koha për të folur që është nesër në Prishtinë”, tha Kryeministri Rama.
Kryeministri i vendit, Albin Kurti tha sot se është i gatshëm të takohet me kryeministrin e Shqipërisë, Edi Rama vetëm në kuadër të mbledhjes së dy qeverive, jo pa atë mbledhje.
Këtë deklaratë Kurti e bëri para mediave pas mbledhjes së Qeverisë, i pyetur rreth vizitës së paralajmëruar të Ramës në Kosovë, në kuadër të një turni në Ballkan.
“Unë jam në kontakt të drejtpërdrejtë me kryeministrin Rama dhe e di që do vijë në Prishtinë në kuadër të turit Ballkanik. Është thënë që ky ka të bëjë lidhur me përgatitjen e Samitit të radhës të Procesit të Berlinit, që do të mbahet në tetor, pra pas tre muajve. Unë miqësisht i kam kërkuar Ramës se meqenëse do të vijë në Prishtinë e do të qëndrojë dy ditë e një natë, ta mbajmë edhe mbledhjen e dy Qeverive e cila u anulua paarsyeshëm, ndonëse ishte paraparë muaj më parë për datën 14 qershor. Të gjitha përgatitjet i patëm bërë. 13 marrëveshje kanë pasur të nënshkruhen, ndërsa tani kanë mbetur në sirtar. Në mënyrë që marrëveshjet e dakorduara të mos ngelin edhe më tutje në sirtar, sepse nga to nuk përfitojnë kryeministrat, por qytetarët, dhe çdo ditë e humbur pa i nënshkruar këto marrëveshje është dëm për qytetarin, unë i kam propozuar kryeministrit Rama meqë po vjen këtë javë le ta mbajmë edhe një mbledhje të përbashkët të dy Qeverive tona dhe t’i nënshkruajmë ato marrëveshje të dakorduara që janë në sirtar dhe t’i zbatojmë një orë e më parë të gjitha ato”, tha ai.
“Unë jam gatshëm të takohem me kryeministrin Rama në kuadër të mbledhjes së dy qeverive, jo pa atë mbledhje”, përfundoi Kurti.
Të tjera
-
Mirena: Albin Kurti nuk do të jetë më kryeministër
Gazetari Ilir Mirena, ka thënë në “Pressing” të T7, se Albin Kurti nuk do të ...
-
Bislimi udhëton në Bruksel, nesër pritet takim me Petkoviqin
Zëvendëskryeministri i Kosovës Besnik Bislimi, nesër në Bruksel pritet të tak...
-
Stoltenberg: Vendet të vendosin vetë nëse mund Ukraina t’i përdorë armët me rreze të gjatë në Rusi
Shefi në largim i NATO-s, Jens Stoltenberg, ka thënë të hënën se i mirëpret b...
-
Molliqaj publikon foto të Kurtit dhe Elbert Krasniqit në veri: Mashtrimi dhe realiteti
Kryetari i Partisë Socialdemokrate, Dardan Molliqaj, ka postuar dy fotografi ...
-
Kurti: Bashkë do të sigurojmë që Kosova të jetë një vend më i banueshëm, me i qëndrueshëm dhe i sigurt për brezat e ardhshëm
Kryeministri i Republikës së Kosovës, Albin Kurti, gjatë pasdites mori pjesë ...
-
Lladrovci: Duhet të ndalet degradimi i shtetit, zgjedhjet e 9 shkurtit janë rast t’i jepet fund qeverisjes aktuale
Kryetari i Drenasit që vjen nga rradhët e PDK-së, Ramiz Lladrovci ka reaguar ...
-
Kurti i shkon në vizitë Sabri Fejzullahut: Për ditëlindjen e tij të 77-të na pritën me ngrohtësi
Kryeministri Albin Kurti e ka vizituar këngëtarin e mirënjohur Sabri Fejzulla...
-
Ardita Sinani njoftim të rëndësishëm qytetarëve në Preshevë për problemin me qentë endacak
Kryetarja e Preshëvës, Ardita Sinani, njofton qytetarët se nga nesër do të fi...
-
Përurohet Shtëpia e Kulturës në Suharekë, Haradinaj: Komunat tona po luftojnë të përparojnë pa mbështetjen e duhur nga niveli qendror
Kryetari i Aleancës për Ardhmërinë e Kosovës (AAK), Ramush Haradinaj, ka vizi...
-
Dënohen me mbi 12 vjet burgim nëntë të akuzuarit për dëmtim të buxhetit mbi 2 milionë euro
Gjykata Themelore në Prishtinë në rigjykim, ka dënuar me 12 vjet e 9 muaj bur...
-
Agim Bahtiri e lëshon edhe këtë deklaratë: Edhe 146 ditë vendi mbetet pa opozitë
Ish-kryetari i Mitrovicës, Agim Bahtiri, ka befasuar me deklaratën e dhënë së...
-
Kusari-Lila: PDK, gjithçka munden me qenë veç liberalë jo
Shefja e Grupit Parlamentar e Lëvizjes Vetëvendosje, Mimoza Kusari-Lila ka th...