Lajme

Situatë e qetë në veri

Autori: Gazeta inFokus 10:11 | 28 June 2023

Në katër komunat veriore të Kosovës situata është e qetë dhe nuk është shënuar ndonjë incident gjatë natës.

Kështu tha në një prononcim për Telegrafin zëdhënësi i Policisë së Kosovës për rajonin e Mitrovicës, Veton Elshani.

“Situata është e qetë, nuk është shënuar ndonjë incident”, ka thënë Elshani.

Ndryshe, të hënën në orët e vona të mbrëmjes nga person/a të dyshuar është sulmuar me mjet shpërthyes komuna në Veri të Mitrovicës.

-Advertisement-

Bazuar në informatat zyrtare dyshohet se në oborrin e objektit komunal në Mitrovicë Veri, afër hyrjes së objektit është hedhur një mjet shpërthyes, i cili dyshohet të ketë qenë granat dore, me ç’rast ka shkaktuar disa dëme materiale në veturat zyrtare.

Në konsultim me prokurorin kompetent është iniciuar rasti, “kryerja e veprës terroriste”.

Subscribe në YouTube: GAZETA INFOKUSI