Lajme

Kusari – Lila e quan qesharak mocionin e AAK-së, reagon Tahiri: E dini mirë fuqinë e AAK-së në Kuvend

Autori: Gazeta inFokus 22:41 | 07 June 2023

Shefja e Grupit Parlamentar të Lëvizjes Vetëvendosje, Mimoza Kusari-Lila, ka komentuar mbi mocionin e filluar nga Aleanca për Ardhmërinë e Kosovës (AAK) në Kuvend.

Ajo ka thënë se mocioni i AAK-së është i qesharak si iniciativë.

Kusari-Lila ka theksuar se mocioni në fjalë nuk mund të kalojë pasi sipas saj dihet aritmetika e numrave në Kuvendin e Kosovës.

-Advertisement-

“Kjo është qesharake në kuptimin e iniciativës, për arsye se nuk ka matematikë e cila e tregon të qëndrueshëm këtë mocion të AAK-së në raport me numrat të cilët janë në Kuvend. Sot AAK-ja e ka pasur në agjendë të Kuvendit, votimin e Rezolutës së tyre për dy-vjetorin e qeverisjes Kurti, debat ky që është zhvilluar në Kuvend. Dhe a e dini sa deputetë të tyre kanë qenë prezent, zero, as edhe një i vetëm, nuk kemi pasur se çka të votojmë. Kaq serioze është prezenca e tyre edhe opozitarizmi i tyre”, ka deklaruar Kusari Lila në RTV Dukagjini

Menjëherë ka reaguar shefi i deputetëve të AAK-së, Besnik Tahiri i cili thotë se mocioni është pasojë e situatës së rëndë që është Kosova.

“Ne e kemi nisur mocionin pasi mendojmë se kryeministri Kurti e ka futur Kosovën në rrugë qorre dhe jemi në një situatë krize”, ka deklaruar Tahiri.

Ai ka thënë se nuk është korrekte nga ana e Kusari-Lilës të minimizojë rolin e AAK-së në Kuvend.

“Shefja e deputetëve të LVV-së e di shumë mirë se cila është fuqia e AAK-së në Kuvend në lidhje me shumë ligje ku nevojitet shumica e kualifikuar e votave…Pa votat tona nuk mund të kalojnë marrëveshjet ndërkombëtare. Tash Mimoza po thotë se votat e AAK-së nuk kanë kurrfarë roli”, ka deklaruar ndër të tjera Tahiri

Kryetari i Aleancës për Ardhmërinë e Kosovës (AAK), Ramush Haradinaj, kishte paralajmëruar se ka votat e mjaftueshme për të rrëzuar Qeverinë e udhëhequr nga Albin Kurti me një mocion mosbesimi.

Subscribe në YouTube: GAZETA INFOKUSI
Etiketa:
Comodita po tërheq klientë seriozë në Panarin IMM, në Këln të Gjermanisë
-Advertisement-

Të tjera

Fokusi

lajme