Lajme

“Thellësisht të shqetësuar për situatën në veri”, Lajçak ia përmend sërish tri kërkesat Kurtit

Autori: Gazeta inFokus 08:50 | 06 June 2023

I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak ka theksuar sërish tri kërkesat që mbrëmë ia paraqitën edhe Kryeministrit të vendit, Albin Kurti.

Në një postim në Twitter, Lajçak ka publikuar pamje bashkë me emisarin amerikan, Gabriel Escobar nga takimi i tyre me kreun e Qeverisë, ndërsa ka thënë se është i shqetësuar për situatën në veri.

“I dërguari amerikan, Escobar dhe unë u takuam me kryeministrin Albin Kurti dhe zëvendëskryeministrin Besnik Bislimi. Jemi thellësisht të shqetësuar për situatën në veri dhe bëjmë thirrje për shtensionim të menjëhershëm në terren, zgjedhje të parakohshme me pjesëmarrjen e serbëve të Kosovës dhe kthim në dialogun për normalizim”, ka shkruar Lajçak në Twitter.

-Advertisement-

Mbrëmë pas takimit tre palësh, Lajçak tha se në kërkesën për zgjedhjet nuk arritën të dakordohen me Kryeministrin Kurti.

“Ne prezantuam propozimin në kuadër të komunitetit ndërkombëtar që përmban tri pika. I pari de-eskalimi, i dyti zgjedhjet e reja të shpejta dhe i treti kthimi te dialogu. Patëm një diskutim të gjatë, të sinqertë dhe të vështirë me kryeministrin për këto pika. Nëse do të kishim arritur një dakordim [për zgjedhjet], do e thoja”, tha Lajçak para gazetarëve.

Në anën tjetër, emisari amerikan, Gabriel Escobar shpreson se kërkesat nga ky takim të dëgjohen nga Kosova.

Ai tha se SHBA e respekton autoritetin e Qeverisë së Kosovës dhe Kushtetutën e saj mirëpo siç tha ai është diçka tjetër bindja ndaj ligjit.

Subscribe në YouTube: GAZETA INFOKUSI
Etiketa:
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme