Lajme

Ministria e Arsimit hap konkurs për inspektorë

Autori: Gazeta inFokus 19:08 | 27 May 2023

Ministria e Arsimit, Shkencës, Teknologjisë dhe Inovacionit ka hapur konkurs për pranimin e 21 inspektorëve të fushave të ndryshme.

Këtë e ka bërë të ditur ministrja Arbërie Nagavci, përmes një postimi në Facebook, ku shtoi se afati për aplikim do të jetë i hapur deri më 5 qershor.

“Deri tash, Inspektorati i arsimit ka funksionuar me vetëm 30 inspektorë të cilët mbulojnë tërë Republikën e Kosovës. Fokusi ynë si Ministri është që rekrutimi të bëhet sipas 7 fushave të kurrikulës arsimore, duke plotësuar vendet e lira me kuadrin që e kemi në mungesë. Inkurajoj të gjithë të interesuarit që të aplikojnë në këtë konkurs”, ka shkruar Nagavci.

-Advertisement-

Në linkun e mëposhtëm i gjeni detajet e këtij konkursi.

Subscribe në YouTube: GAZETA INFOKUSI