Lajme

Flet djali që ishte në listën e 13-vjeçarit që vrau 9 persona dje në Beograd

Autori: Gazeta inFokus 18:40 | 04 May 2023

“Kur dëgjova që isha në listë, u trondita. Nuk e di si do të ulemi sërish në bankat e shkollës, ishte traumatike. Trupat e miqve të mi binin kudo. Nuk e di nëse do të kthehem ndonjëherë në shkollë”, tha për gazetën serbe “Blic” djali që ishte në listën e Kosta K. (13), i cili vrau të mërkurën tetë bashkëmoshatarë të tij dhe një roje sigurie nga shkolla “Vladislav Ribnikar” në Vraçar të Beogradit.

Djali ka shkuar në klasë me vrasësin dhe fëmijët e plagosur dhe thotë se objektivi kryesor ka qenë klasa e Kostas.

“Kur hyri brenda, e goditi mësuesen në qafë që ajo të mos e ndalonte se nuk kishte asgjë kundër saj. Ajo ishte mirë me të, i tha të shkruante një provim kontrolli. Ishte nxënës i mirë në të gjitha lëndët, nuk kishte nota të këqija. Nuk ka treguar se ka shkuar në poligon, ka heshtur gjatë gjithë kohës, ka qenë i tërhequr”, ka thënë për “Blic” një tjetër djalë që ishte në listën e Kosta K. dhe në klasë kur ky i fundit ka hyrë.

-Advertisement-

Vetëm fati e shpëtoi nga vdekja.

“Ata që nuk ishin në listë, dhe i ka qëlluar, me ata nuk është shoqëruar. Askush nuk e ka ofenduar dhe nuk ka debatuar me të. Dukej sikur ai kishte vendosur rastësisht se do ta bënte tani veprën. Të gjithë miqtë e mi ishin në listë”, tha ai.

Sipas tij, studentët fillimisht menduan se ishte një fishekzjarr dhe sapo hyri Kosta, filloi menjëherë të qëllonte.

“Fytyra e tij ishte e zemëruar. Ai ishte gjakftohtë, sikur të kishte një plan për të vrarë të gjithë. Ai nuk tha asgjë. Të gjithë heshtën, bërtisnin dhe pastaj heshtën. Unë isha në atë klasë. Ai qëlloi mësuesin, u kthye, qëlloi rreshtin e parë. Nuk di më tej sepse kur e pashë, dola nga dritarja me një shok”, tha djali i tronditur për “Blic”.

Sipas tij, shumica e fëmijëve në listë bëheshin sikur kishin vdekur, një pjesë e tyre kishin ikur dhe Kosta nuk e dinte.

“Dikush nuk ishte në shkollë. Një shok më tha se ka qëlluar edhe mbi shokët e tij që ishin shtrirë në tokë për të qenë i sigurt”, shton ai.

Djali gjithashtu pretendon se askush nga ajo klasë nuk e ka ofenduar Kostan.

“Kur u transferua te ne, na tha se ishte keqtrajtuar, për çka i thamë ta linte atë muhabet dhe do të rrinim me të. Ai u pranua në klasën tonë më mirë se kushdo tjetër”, pohon ky djalë.

Subscribe në YouTube: GAZETA INFOKUSI