Lajme

Syla: Osmani është inatçore, duke mos reaguar për sulmin ndaj meje ajo s’mbrojti Kushtetutën

Autori: Gazeta inFokus 18:07 | 03 Maj 2023

Gazetari kosovar Valon Syla i ftuar në emisionin FRONTL të T7 ka folur me rastin e Ditës Ndërkombëtare të Lirisë së Shtypit. Syla është pyetur konkretisht për rastin e sulmit fizik ndaj tij të ndodhur ditë më parë dhe faktin se presidentja e vendit Vjosa Osmani s’ka reaguar fare.

Syla ka thënë se presidentja Osmani ka kohë që nuk sillet si presidente e Kosovës dhe sipas tij fakti që s’ka reaguar tregon se ajo ka një “inat fëmijëror”.

Gazetari kosovar ka thënë se nëse Osmani nuk reagon, nuk e kryen detyrën e saj për të mbrojtur Kushtetutën dhe bën ndasi ndaj qytetarëve.

-Advertisement-

“Vjosa Osmani ka kohë që nuk sillet si president e Kosovës por si presidente e VV-së. Ajo ka probleme të inatit fëmijëror. Detyra e presidentes është që ta mbrojë Kushtetutën, lirinë e shprehjes dhe të gjitha liritë që garantohen. Nëse presidentja s’reagon, nuk e kryen detyrën e vet dhe nuk e mbron Kushtetutën, dhe bën ndasi ndaj qytetarëve të Kosovës. Jam qytetar lojal, dhe po të mos reagohet është inatçorllëk”, ka thënë Syla.

Për të njëjtën çështje ka folur edhe analisti Imer Mushkolaj, i cili ka qenë i një mendimi me Sylën se presidentja Osmani është inatçore dhe se ka treguar papjekuri politike me mosreagimnin ndaj Valon Sylës.

“Ajo e tregon një papjekuri politike. Është shumë inatçore. I merr shumë personale gjërat. Tjetër gjë është çfarë mendoj unë per Vjosa Osmanin si presidente dhe tjetër si person privat. Ajo e ka inatin kaq të madh, sa që edhe në raste shumë të trishta si rasti i Valonit që të mos reagoj. Ky është një sinjal shumë i keq”, ka thënë Imer Mushkolaj.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy