Alarmon eksperti i sigurisë ,“Serbët janë kërcënuar me jetë prandaj nuk po marrin pjesë në zgjedhje”
Autori: Samire Jaha 16:05 | 23 April 2023
Sot janë duke u mbajtur zgjedhjet për kryetar të komunave në katër komunat me shumicë serbe në veri të Kosovës, në Mitrovicën e Veriut, Zveçan, Zubin Potok dhe Leposaviq, shkruan Gazeta Infokus.
Një pjesëmarrje shumë e ulët e qytetarëve për të marrur pjesë në këto zgjedhje është vërejtur, e siç duket arsyet janë kërcënimet që kanë marrur vetë qytetarët,
Eksperti i sigurisë, Bedri Elezi në një prononcim për Gazetën Infokus ka thënë se serbët janë kërcënuar nga strukturat e shërbimeve sekrete dhe kriminale serbe të cilat veprojnë në veriun e Mitrovicës.
Sipas tij këto struktura i kanë shkuar derë më derë në shtëpinë e serbëve e ku i kanë kërcënuar me jetë ata nëse marrin pjesë në zgjedhjet e sotshme.
“Strukturat e shërbimeve sekrete dhe kriminale serbe të cilat veprojnë në veriun e Mitrovicës kanë shkuar derë më derë në shtëpitë e serbëve të cilët jetojnë në komunat në veriut e Mitrovicës, duke i kërcënuar me jetë nëse ata marrin pjesë në zgjedhje. Institucionet e zbatimit të ligjit e sidomos Institucionet e sigurisë nuk kanë arritur të ofrojnë siguri për ata qytetar të cilat janë të interesuar të jenë lojal ndaj Prishtinës zyrtare, dhe kështu këta qytetar janë të detyruar të i bindën urdhrave të grupeve kriminale serbe në këto komuna”, ka deklaruar Elezi për Infokus.
Ai tutje tha se Lista Serbe është subjekt politik si instrument i presidentit serb Aleksandër Vuçiq të cilët kanë organizuar të gjitha aktivitetet e dhunshme në veriun e Mitrovicës.
“Lista Serbska është subjekti politik I cili është i instrument i Vuçiqit, subjekt i cili ka organizuar të gjitha aktivitetet e dhunshme në veriun e Mitrovicës. Ky subjekt politik është duke kërcënuar qytetarë serb në veriun e Mitrovicës për mos të dalë për të votuar”, ka shtuar Elezi.
Po ashtu në bazë të kësaj eksperti i sigurisë potencoi se Kosova ka dështuar të vendos drejtësi për të gjithë ata persona që kanë kryer vepra të shumta penale.
“Aktualisht jemi duke parë një pjesëmarrjeje tejet të ulët të qytetarëve për të votuar, e sidomos qytetarët nga komuniteti serb. Në fakt kjo pjesëmarrje e ulët ishte e pritur nga ana jone, ngase ne kemi qenë të vetëdijshëm se qytetarët serb nuk do të mund të votojnë, sepse janë të kërcënuar nga strukturat e shërbimeve sekrete serbe. Kosova ka dështuar të vendos para drejtësisë të gjithë ata persona të cilët deri më tani kanë kryer vepra të shumta penale, kështu duke dhunuar shumë qytetar nga komuniteti serb, po ashtu këta persona anëtar të grupeve kriminale të cilat mbështetën nga Beogradi zyrtar kane kanosur shume qytetar si dhe kanë dëmtuar pronat e tyre, e sidomos kanë djegur veturat me targa RKS”, ka thënë Elezi për Infokus.
Ndërkaq Elezi tha se nëse pjesëmarrja e serbëve në votime do të jetë e vogël, atëherë nuk do të ketë incidente apo tensionim të situatës.
Mirëpo, eksperti i sigurisë nuk i anashkalon aktivitetet e dhunshme që mund të ndodhin pas zgjedhjeve. Ngase sipas tij, Serbia do të shkaktojë aktivitete duke krijuar arsyetimin se Kosova po pushton komunat serbe dhe për këtë të e fajësojë Qeverinë e Kosovës.
“Nëse pjesëmarrësja e serbëve në votime do të jetë e vogël, atëherë nuk duket se mund të kemi edhe incidente ngase si duket Beogradi e ka situatën nënë kontroll dhe nuk është e nevojshme të shkaktohen incidente. Në këtë rast Serbia po luan një lojë shumë të rrezikshme, ngase po mundohet aktivitetet e dhunshme të i organizoj pas zgjedhjeve duke krijuar arsyetimin se Kosova po pushton komunat serbe në veriun e Mitrovicës. Më këto veprime Sërbia po mendohet që eskalimin e situatës së sigurisë të e faturoj në adresën e qeverisë së republikës së Kosovës”, ka thënë tutje Elezi për Infokus.
Ndërkaq kujtojmë që deri në orën 15:00, procesi zgjedhor ka qenë i qetë dhe pa asnjë pengesë deri më tani.
Zëdhënësi i Komisionit Qendror të Zgjedhjeve, Valmir Elezi në konferencën e tretë të mbajtur sot ka treguar edhe të dhënat e fundit e pjesëmarrjes së qytetarëve në këto zgjedhje.
“Sipas të dhënave, pjesëmarrja e qytetarëve deri në orën 15:00 është si në vijim: Leposaviq: 110 votues, 0.83 % Zubin Potok: 240 votues, 3.6% Zveçan: 145 votues, 2.07% Mitrovicë e Veriut: 597 votues, 3.3 %”, tha Elezi.
Ndryshe ai ka treguar se konferenca e radhës do të mbahet në orën 19:30 edhe ku do të bëhet përmbyllja e këtij procesit zgjedhor./Gazeta Infokus/
Kjo është përqindja e qytetarëve që kanë votuar në Veri deri në ora 15:00
Të tjera
-
Anëtarësimi i Kosovës në KiE, cilat janë vendet skeptike që duan fillimisht asociacionin?
Në fund të javës së ardhshme pritet që të përcaktohet agjenda e Komitetit të ...
-
Ngjarjet e datës 4 maj
Në vigjilje të shënimit të 25-vjetorit të çlirimit të Komunës së Gjakovës org...
-
Investimi në kriptovaluta, qytetarë të shumtë po bien pre e mashtrimeve
Interesimi i qytetarëve për të investuar në kriptovaluta vazhdon të jetë i ma...
-
4 Maj, Dita Ndërkombëtare e Zjarrfikësve
Të shtunën e 4 majit ashtu si në mbarë botën edhe në Kosovë festohet Dita Ndë...
-
AGK-ja dënon intimidimin e deputetit Basha ndaj gazetares së RTK-së
AGK-ja dënon intimidimin publik të deputetit, Dimal Basha ndaj gazetares së R...
-
Osmani uron Poloninë për Ditën e Kushtetutës
Presidentja e Kosovës, Vjosa Osmani e ka uruar Poloninë me rastin e Ditës së ...
-
Polici i goditur me veturë dërgohet në emergjencë, kjo është gjendja e tij
Gjendja e zyrtarit policor, i cili u godit nga e dyshuara A.A, në kohën kur i...
-
Shoferja godet me veturë policin në Prishtinë dhe largohet nga vendi i ngjarjes
Një zyrtar policor, i cili ishte në detyrë është goditur nga një shofere e ci...
-
Gjendet i vde kur një burrë në Rahovec, policia nis hetimet
Një ngjarje e rëndë ka ndodhur pasditen e së premtes në Krushë të Madhe të Ra...
-
Nga një muaj paraburgim për të dyshuarit e plag osjeve në Lupç të Podujevës
Gjykata Themelore në Prishtinë ka vendosur lidhur me kërkesën e Prokurorisë T...
-
Goditet për vd*kje një 50-vjeçar në Durrës
Një person i moshës 50 vjeç ka mbetur i vdekur në Durrës si pasojë e një aksi...
-
Zëdhënësi i AAK-së: U vërtetua që mediat në Kosovë janë në shkelje e sipër nga një qeveri që koha po i kalon
Në Indeksin i fundit vjetor Botëror mbi Lirinë e Shtypit publikuar nga “Repor...