KPK reagon ndaj deklaratave të LVV-së për Kryeprokurorin Isufaj: Ndërhyrje flagrante në punën e Prokurorit të Shtetit
![](https://gazetainfokus.com/wp-content/uploads/2023/04/dsas.jpg)
Autori: Gazeta inFokus
11:21 | 20 April 2023
Këshilli Prokurorial i Kosovës (KPK) ka reaguar ndaj deklaratave të deputetëve dhe përfaqësuesve të Lëvizjes Vetëvendosje (LVV) për kryeprokurorin e Prokurorisë Speciale të Republikës së Kosovës (PSRK),Blerim Isufaj, pas arrestimit të drejtorit të Korporatës Energjetike të Kosovës (KEK), Nagip Krasniqi.
KPK e cilëson të papranueshme gjuhën e përdorur ndaj kryeprokurorit Isufaj, raporton “Betimi për Drejtësi”.
Sipas KPK-së, përmes gjuhës denigruese kundër kandidatit për Kryeprokuror të Shtetit, Blerim Isufaj, disa zyrtarë të lartë shtetërorë po tentojnë të ndikojnë në punët e sistemit prokurorial.
“Këshilli Prokurorial vlerëson se, deklaratat e tilla, siç ishte ishin ato të djeshmet, janë në kundërshtim të plotë me ndarjen e pushteteve dhe përbëjnë ndërhyrje flagrante dhe të drejtpërdrejtë në punën e Gjyqësorit, përkatësisht të institucionit të Prokurorit të Shtetit, ngaqë puna dhe angazhimi i të gjithave, përfshirë edhe PSRK-në , burojnë nga Kushtetuta dhe ligjet e vendit, e jo nga vullnetet politike, grupet e interesit dhe individët e caktuar”, thuhet në reagim.
Në fund, KPK thekson se pushteti gjyqësor dhe prokurorial është i veçantë, me institucione kushtetuese, të pavarura dhe të paanshme, të cilat kryejnë detyrën e tyre në përputhje me mandatin kushtetues dhe ligjor, duke u bazuar gjithnjë në prova dhe fakte.
Reagimi i plotë:
“Reagim i Këshillit Prokurorial të Kosovës ndaj deklaratave të zyrtarëve të lartë shtetërorë të Lëvizjes Vetëvendosje
Prishtinë, 20 prill 2023 – Këshilli Prokurorial i Kosovës (KPK) kundërshton fuqishëm dhe shpreh indinjatë të thellë ndaj deklaratave të deputetëve të Kuvendit të Republikës së Kosovës dhe përfaqësuesve të lartë të Lëvizjes Vetëvendosje, të cilët kanë përdorur gjuhë të papranueshme dhe tendencioze lidhur me punën e Kryeprokurorit të Prokurorisë Speciale të Republikës së Kosovës (PSRK), z. Blerim Isufaj.
KPK-ja konstaton se disa zyrtarë të lartë shtetërorë po tentojnë të ndikojnë sistematikisht në punët e sistemit prokurorial dhe po përçojnë mesazhe tendencioze politike, sikurse që kanë bërë edhe kësaj radhe, duke përdorur gjuhë denigruese kundër personalitetit të kandidatit për Kryeprokuror të Shtetit, z.Blerim Isufaj, gjë që është në kundërshtim me të gjitha normat etike, ligjore dhe kushtetuese.
Këshilli Prokurorial vlerëson se, deklaratat e tilla, siç ishte ishin ato të djeshmet, janë në kundërshtim të plotë me ndarjen e pushteteve dhe përbëjnë ndërhyrje flagrante dhe të drejtpërdrejtë në punën e Gjyqësorit, përkatësisht të institucionit të Prokurorit të Shtetit, ngaqë puna dhe angazhimi i të gjithave, përfshirë edhe PSRK-në , burojnë nga Kushtetuta dhe ligjet e vendit, e jo nga vullnetet politike, grupet e interesit dhe individët e caktuar.
Me këtë rast, Këshilli Prokurorial i Kosovës, thekson se qëndron plotësisht prapa punës së mirëfilltë dhe shumë profesionale të Prokurorisë Speciale të Republikës së Kosovës dhe prapa punës dhe angazhimit të prokurorëve të PSRK-së dhe në asnjë rast nuk do të tolerojë denigrimet dhe atakimet qëllimkëqija ndaj angazhimeve dhe përkushtimit të bartësve të sistemit prokurorial.
Në përmbyllje të këtij reagimi, KPK-ja ia risjellë në vëmendje kujtdo që tenton të cenojë punën e kësaj prokurorie dhe Kryeprokurorit të saj, z. Blerim Isufaj, si dhe përgjithësisht punën e institucionit të Prokurorit të Shtetit se, pushteti gjyqësor dhe prokurorial është i veçantë, me institucione kushtetuese, të pavarura dhe të paanshme, të cilat kryejnë detyrën e tyre në përputhje me mandatin kushtetues dhe ligjor, duke u bazuar gjithnjë në prova dhe fakte”.
![](https://gazetainfokus.com/wp-content/uploads/2023/12/BKT-Kosova-The-Banker-2023-scaled.jpg)
Të tjera
-
Kryeparlamentarja e Shqipërisë për vizitë në Kosovë, Bogujevci shkon dhe e pret në kufi
Kryeparlamentarja e re e Shqipërisë, Elisa Spiropali ka ardhur në Kosovë për ...
-
Dita që shokoi botën, fotografi të shkrepura që rrëqethën planetin pas sulmeve terroriste të 11 shtatorit në SHBA/PAMJE
Imazhet e sulmeve terroriste të 11 shtatorit në Shtetet e Bashkuara mbeten të...
-
Zyrtari policor lirohet nga akuza për marrje ryshfeti
Gjykata Themelore në Gjakovë ka shpallur aktgjykim lirues ndaj Fidan Matit, i...
-
Qeveria emëron Bekim Hoxhën kryeshef të Agjencisë së Ushqimit dhe Veterinarisë
Qeveria e Kosovës ka emëruar Bekim Hoxhën kryeshef të Agjencisë së Ushqimit d...
-
Kurti: Policia e inteligjenca mundësuan dështimin e disa planeve të grupeve të maskuara në kufi, faleminderit policëve e agjentëve tanë
Kryeministri i vendit Albin Kurti tha se policia dhe inteligjenca kanë mundës...
-
Qeveria miraton ligjin për Byronë Shtetërore për Konfiskimin e Pasurisë së Pajustifikueshme
Në mbledhjen e qeverisë së Kosovës është miratuar Projektligji për Byronë sht...
-
Zëdhënësi i KFOR-it: Çdo vendim për urën duhet të merret përmes dialogut dhe në koordinim me komunitetin ndërkombëtar
Zëdhënësi i KFOR-it, Koloneli Salvatore Mascoli, është drejtuar përmes një vi...
-
Harrisi hidhet në sulm në një debat sprovues me Trumpin
I nominuari i republikanëve për kandidat presidencial, Donald Trump, dhe kund...
-
Këto janë çmimet e modeleve të iPhone 16
Çmimet e serisë së re iPhone 16 janë kryesisht të pandryshuara në tregjet kry...
-
Haradinaj-Kurtit: Trego sa ke importuar rrymë prej se je kryeministër dhe nga kush – Kosovës i mbetet të lutet për dimër të butë
Kryetari i Aleancës për Ardhmërinë e Kosovës, Ramush Haradinaj, e ka quajtur ...
-
Nderimi i viktimave të 11 shtatorit, Kurti: Kosova qëndron pranë SHBA-së, veçanërisht në luftën kundër terrorizmit
Kryeministri i Kosovës, Albin Kurti, së bashku me zëvendëskryeministren dhe m...
-
Trump refuzon të tregojë nëse dëshiron që Ukraina të fitojë kundër Rusisë
Donald Trump anashkaloi një pyetje të drejtpërdrejtë në debatin presidencial ...