Vazhdojnë dëshmitë kundër Thaçit dhe të tjerëve
![](https://gazetainfokus.com/wp-content/uploads/2023/04/unnamed-1.jpg)
Autori: Gazeta inFokus
08:01 | 17 April 2023
Zyra e Prokurorisë Speciale edhe sot e vazhdon procesin e paraqitjes së provave përkatësisht dëgjimin e dëshmitarëve në rastin ndaj Thaçit dhe të tjerëve.
Gjatë tri seancave të kaluara, dëshmitarja që ishte grua është përgjigjur pyetjeve të ZPS-së, e që po ashtu ka qenë seancë e mbyllur.
Lluka Mishetiq avokati mbrojtës i Hashim Thaçit, para se te hynte dëshmitarja në sallë kërkoi që ta dorëzoi një provë të re materiale, provë e cila nuk u kundërshtua nga ZPS-ja dhe më pas u pranua nga trupi gjykues.
Ndryshe aktakuza e parë kundër katër të akuzuarve u konfirmua më 26 tetor 2020 dhe u bë publike më 5 nëntor 2020.
Më 22 korrik 2021, Gjykatësi i Procedurës Paraprake, përmes dy vendimeve, miratoi pjesërisht mocionet e Mbrojtjes dhe urdhëroi ZPS-në që të korrigjojë dhe ndryshojë aktakuzën, mes tjerash, duke përjashtuar përgjegjësinë e ndërmarrjes së përbashkët kriminale III për krime me synim konkret (tri apele kundër këtij vendimi, të dorëzuara nga Thaçi, Selimi dhe Krasniqi, u hodhën poshtë nga Gjykata e Apelit më 22 gusht 2022).
ZPS-ja e dorëzoi aktakuzën e ndryshuar më 3 shtator 2021. Më 23 dhjetor 2022, Gjykatësi i Procedurës Paraprake miratoi kërkesën e ZPS-së për ndryshim të aktakuzës me qëllim që të përfshijë një numër akuzash të reja, konkretisht qendra ndalimi të tjera në komunën e Suharekës, incidente të reja të përndjekjes dhe vrasjes së paligjshme në Gjilan, si dhe incidente të reja të pjesëmarrjes personale të të akuzuarit në krimet për të cilat akuzohet.
Pas hedhjes poshtë të apeleve të Thaçit dhe Veselit kundër këtij vendimi prej Panelit të Gjykatës së Apelit më 22 mars 2022, ZPS-ja dorëzoi versionin e redaktuar publik të aktakuzës së ndryshuar më 29 prill 2022. Më 22 korrik 2022, Gjykatësi i Procedurës Paraprake miratoi, pjesërisht, kërkesën e Mbrojtjes së Thaçit që pretendon mangësi në aktakuzën e fundit dhe gjithashtu urdhëroi ZPS-në që, deri më 30 shtator 2022, të parashtrojë aktakuzën e ndryshuar më tej, me informacion shtesë lidhur me akuzat aktuale.
Informacioni shtesë ka të bëjë me emrat e autorëve të drejtpërdrejt të krimeve, viktimave dhe vendodhjeve përkatëse në paragrafet konkrete në aktakuzën aktuale.
Më 29 shtator 2022, Gjykatësi i Procedurës Paraprake miratoi kërkesën e ZPS-së për tërheqjen nga aktakuza të pretendimeve për krime në komunën e Ferizajt dhe urdhëroi ZPS-në që të pasqyrojë këtë tërheqje të akuzave në aktakuzën e ndryshuar më tej, e cila u dorëzua më 30 shtator 2022.
Një version më pak i redaktuar i aktakuzës u dorëzua më 27 shkurt 2023. Aktualisht, kjo është aktakuza në fuqi për këtë çështje.
“Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore. Pretendohet se këto krime u kryen nga anëtarë të UÇK-së kundër qindra civilëve dhe personave që nuk merrnin pjesë në luftime. Në aktakuzë pretendohet se Thaçi, Veseli, Selimi dhe Krasniqi kanë përgjegjësi penale individuale për krime që u kryen në kontekstin e një konflikti të armatosur jo ndërkombëtar në Kosovë dhe ishin pjesë e një sulmi gjerësisht të përhapur dhe sistematik kundër personave që dyshoheshin se ishin kundër UÇK-së”, njoftojnë Dhomat e Specializuara të Kosovës
Aktakuza fillestare kundër katër të akuzuarve u konfirmua më 26 tetor 2020, dhe u ndryshua më 3 shtator 2021, 29 prill 2022, dhe 30 shtator 2022. Versioni me më pak redaktime i Aktakuzës u dorëzua më 27 shkurt 2023. Kjo është aktualisht aktakuza në fuqi në këtë çështje gjyqësore.
Secili prej të akuzuarve është akuzuar mbi bazën e përgjegjësisë penale individuale me gjashtë akuza për krime kundër njerëzimit: përndjekje, burgim, akte të tjera çnjerëzore, torturë, vrasje e paligjshme dhe zhdukje me forcë e personave. Gjithashtu kundër secilit prej të akuzuarve janë ngritur katër akuza për krime lufte: arrestim dhe ndalim i paligjshëm dhe arbitrar, trajtim mizor, torturë dhe vrasje e paligjshme.
Në Aktakuzë parashtrohet se krimet për të cilat janë ngritur akuzat u kryen së paku prej marsit 1998 deri në shtator 1999 dhe ndodhën në disa vende në Kosovë, si edhe në Kukës dhe Cahan, në Shqipërinë e Veriut. Pretendohet se krimet u kryen nga anëtarë të Ushtrisë Çlirimtare të Kosovës (UÇK) kundër qindra civilëve dhe personave që nuk merrnin pjesë në luftime. Në Aktakuzë pretendohet se Thaçi, Veseli, Selimi dhe Krasniqi mbajnë përgjegjësi penale individuale në bazë të formave të ndryshme të përgjegjësisë penale, për krime të kryera në kontekstin e një konflikti të armatosur jondërkombëtar në Kosovë të cilat ishin pjesë e një sulmi gjerësisht të përhapur dhe sistematik kundër personave që dyshoheshin si kundërshtarë të UÇK-së.
140 persona janë pranuar si viktima pjesëmarrëse në procesin gjyqësor. Personat të cilët demonstrojnë se kanë pësuar dëm fizik, mendor ose material si pasojë e drejtpërdrejtë e një krimi të paraqitur në Aktakuzën e Konfirmuar paraqesin kërkesë për të marrë pjesë në procesin gjyqësor në DHSK. Këtu përfshihen persona që janë dëmtuar drejtpërsëdrejti dhe persona të cilët kanë pësuar dëm si pasojë e lidhjes së ngushtë me një viktimë të drejtpërdrejtë që pretendohet se është vrarë ose lënduar.
![](https://gazetainfokus.com/wp-content/uploads/2024/07/Prince-Comodita.jpg)
Të tjera
-
Shpjegimi zyrtar nga Presidenca për mostakimin me Lajçak: Ka qenë e pamundur për shkak të agjendës së ngjeshur
Emisari i BE’së njoftoi sot për takimet që ka pasur në Pragë gjatë qëndrimit...
-
Ambasadori britanik: “Veprimet e pakoordinuara” të Qeverisë në veri rrezikojnë të nxisin tensione
Ambasadori i Mbretërisë së Bashkuar në Kosovë, Jonathan Hargreaves, ka dhënë ...
-
Musliu shkruan për deklaratën e djeshme të Vuçiq në Pragë s’e nuk e ka takuar Putinin: “Gënjeu”
Njohësi i çështjeve të sigurisë, Agim Musliu, e ka demantuar presidentin serb...
-
Rizvanolli thotë se po vazhdojnë investimet në modernizim të rrjetit në gjithë Kosovën
Ministrja e Ekonomisë, Artane Rizvanolli, ka thënë se edhe Besiana është bërë...
-
Nga sot, pakot e cigareve duhet t’i përmbajnë këto paralajmërime
Nga sot, të gjitha produktet e duhanit duhet të përmbajnë fotografi dhe vërej...
-
Mbyllja e komunave ilegale serbe në veri, Zeqiri: Koha që objektivat e Serbisë të çrrënjosen nga këtu
Kryetari i Zubin Potokut, Izmir Zeqiri, ka komentuar zhvillimet e fundit në l...
-
Shala kritikon vendimin e Kurtit: Kur shteti të harron, poshtërimi vjen në formë të Halil Kastratit
Qeveria e Kosovës ka miratuar një vendim që i jep në shfrytëzim për një periu...
-
Shqiptarët me sytë nga kriptomonedhat, 126 mijë përdorues në platforma
Afro 5% e popullsisë vendase mbajnë llogari në platformat virtuale të kriptov...
-
Rruga Tetovë-Prizren, ministri maqedonas i Transportit: Duhet ta bëjmë një projekt, të shohim a mund ta realizojmë
Qeveria e Maqedonisë së Veriut do të punojë me Komunën e Tetovës për ta defin...
-
Mediat në Veri filmojnë pllaka e letra me emra të ministrive në objektet e mbyllura të komunave ilegale
Tri pllaka me emrat e institucioneve të Kosovës u vendosën sot në një ndërtes...
-
E rëndë në Itali, 70-vjeçari shqiptar godet disa herë me thikë nusen e djalit
Një 70-vjeçar shqiptar në Itali është bërë protagonist i një ngjarje të rëndë...
-
Gërvalla e Rizvanolli do të marrin pjesë në Forumin e Bledit
Në Forumin Strategjik të Bledit, do të marrin pjesë ministrja e Punëve të Jas...