Guardian për Ramën: Artisti i botës politike
Autori: Gazeta inFokus 15:38 | 23 March 2023
Këtë javë Rama hapi eskspozitën në Greqi dhe është kryeministri i parë shqiptar që viziton 10 Downing Street.
Kur lideri i Shqipërisë Edi Rama vërtitet në zyrën e tij të kryeministrisë, ai konsumohet nga ajo që ai quan shpirti i tij artistik. Akti i skicimeve nëpër fleta A4, të përdorura për printime, shënime dhe protokolle, jo vetëm që i vie natyrshëm një njeriu, i cili kaloi një pjesë të madhe të jetës së tij të hershme së mësuari art, por gjithashtu ai thotë, i ndihmon të jetë i përqendruar përderisa ai diskuton çështje të shtetit.
Është një stil unik i punës, i shpalosur në Athinë këtë javë ku ekspozita e tij e parë në Greqi “Improvisations”, u hap në ndërtesën Zappeion nga ministri i jashtëm grek , ku mori pjesë edhe homologu i tij grek, Kyriakos Mitsotakis, shkruan “The Guardian”, përcjell Klankosova.tv.
“Ndihem më shumë si piktor, është e vërtetë”, tha ai për tranzicionin e tij nga një artist vizual në politikan, duke paraqitur foto të tavolinës së tij në telefonin e tij. “Kurrë nuk kam imagjinuar se do të punoj në zyrë e jo në atelie, por arti më ka përcjellur meqenëse unë kam vazhduar të shkarravis gjatë takimeve të mia”.
Rama, i cili ka pikturuar fasadat e ndërtesave të vjetra sa ishte kryebashkiak i Tiranës, si duket do ta sjellë shpirtin e njëjtë të kundërt dhe jokonvencional në bisedime me kryeministrin britanik Rishi Sunak të enjten, kur edhe bëhet lideri i parë që viziton 10 Downing Street.
“Unë do ta flas gjuhën e së vërtetës”, tha lideri 58 vjeçar për Guardian. “Çka kemi parë dhe dëgjuar në Britaninë e Madhe ka qenë turp , ky veçim nga një komunitet dhe përgjithësimi i të gjithë shqiptarëve me kriminelë”.
Stili unik i Ramës me shpresë do të largojë nxehtësinë e një takimi që ka të ngjarë të dominohet jo nga bisedat diplomatike, por nga politika reale, në një kohë kur lidhjet anglo-shqiptare janë lënë në hije nga kalimet me anije, trafikimi i qenieve njerëzore dhe krimi i organizuar.
Çmontimi i stereotipeve do të jetë kyç, thotë Rama. Retorika nxitëse që anëtarët e lartë të qeverisë konservatore i janë dhënë pas Brexit-it, jo vetëm që kishte tronditur shumë në vendin e tij, por edhe shqiptarët që i binden ligjit, taksapaguesit – një komunitet që mendohet të jetë prej 150 mijë – në të gjithë Mbretërinë e Bashkuar.
Deklarata e sekretares së brendshme, Suella Braverman, që brigjet jugore të Anglisë po shënjestrohen nga emigrantë – shumë djem shqiptarë – me qëllim të impnimit “të një pushtimi” ka qenë posaçërisht shqetësuese.
“Fatkeqësisht ajo çka kemi dëgjuar nuk ka qenë vetëm ndonjë llapsus, gjëra të gabuara që dalin nga goja”, ankohet ai. “Është pjesë e një shpirti të tërë që është plotësisht në kahje konflikti me shpirtin e Britaninsë së Madhe, asaj për të cilën kam shumë respekt”.
Si asnjëherë më parë, insistoi ai, ishte e rëndësishme që “shqiptarët normalë” ishin ndarë nga mendjet e politikbërësve dhe zyrtarëve nga “mollat e kalbura” të përfshirë në rrjetet kriminale.
“Për disa kohë kemi qenë duke punuar dhe luftuar bashkë, kundër bandave kriminale, të cilët nuk janë vetëm shqiptarë, por edhe ndërkombëtarë”, shtoi lideri shqiptar. “Dhe ne duam ta fuqizojmë atë bashkëpunim, por ajo se çfarë është shqetësuese është lidhje që shpesh bëhet midis të qenit shqiptar dhe kriminel. Shqiptarët sigurisht që nuk kontrollojnë Kanalin. Kjo është absurde”.
Rama, djali i një skulptori dhe basketbollisti në rininë e tij, nuk i humbet fakti që në Greqi shqiptarët dikur ishin stereotipizuar nga një komb i detyruar të përballonte ardhjen e dhjetëra mijëra azilkërkuesve që kalonin nëpër qafa malore me shembjen e sundimit komunist. Për shumë vjet, të ardhurit u përshkruan nga mediat lokale si të papërshtatshëm dhe ngatërrestarë dhe shpesh të barazuar me kriminalitetin. Tre dekada më vonë, afër një milion e kanë bërë Greqinë shtëpinë e tyre me zyrtarë që e përshkruajnë komunitetin shqiptar si një pjesë integrale të shoqërisë greke.
Duke vënë në theks këtë pikë, ministri i jashtëm i Athinës, Nikos Dendias, inauguroi ekspozitën e Ramës duke thënë se vendimi për ta pritur atë në Zappeion ishte marrë, sepse qeveria donte të dërgonte “një mesazh të fortë dhe të qartë” miqësie ndaj një kombi fqinj që, shpresonte se do të gjithashtu së shpejti bëhet anëtare e Bashkimit Evropian.
“Marrëdhëniet tona kanë ndryshuar dramatikisht”, tha Rama në përshkrimin se sa emocionuese ishte të përcillesh me një eskortë në ekspozitën e tij në ndërtesën panoramike në Athinë.
“Shqiptarët kanë përparuar jashtë. Në të kaluarën njerëzit në vendin e juaj, gjithashtu kanë emigruar në Australi dhe Amerikë. Njerëzit kanë të drejtë të ëndërrojnë për diçka që është më e madhe dhe më e mirë. Ju nuk mund ta ndaloni ose parandaloni atë. Ishta krejtësisht i shokuar kur një deputet pyeti se pse njerëzit po kalojnë kanalin nëpër varka dhe nuk po vijnë me aeroplan. Ishte e vështirë të besohet që e vërteta është se edhe ministrat qeveritarë në Shqipëri hasin në vështirësi për të marrë viza për Mbretërinë e Bashkuar”.
Të tjera
-
Tatimi në pronë, Rukiqi: Qeveria e majtë synon zhvatjen e milionave të qytetarëve dhe bizneseve
Zyrtari i LDK-së, Berat Rukiqi thotë se Qeveria Kurti është anti-biznes dhe a...
-
“Prej A deri në Zh po realizohen pikat strategjike të Serbisë” – “Shpërthimi” i Fatos Aliut, bashkëthemeluesit të Lëvizjes Vetëvendosje, i cili e kritikon edhe vëllanë, Liburn Aliu
Fatos Aliu ka gati një dekadë që i ka ndarë përfundimisht rrugët me Lëvizjen ...
-
Bajqinovci: Edhe Isa Mustafa e pranoi se Kurti lụftoi kundër bandave në veri, opozita po e refuzon këtë realitet të ri
Deputeti i VV-së, Mefail Bajqinovci ka thënë se ish-kryetari i LDK-së, Is...
-
Kuvendi pa kourum, mbi 50 projektligje rrezikojnë të kthehen në pikën zero
Në rast se mazhoranca nuk arrin të sigurojë kuorumin e nevojshëm deri në përf...
-
Ministri Vengu: Po e rijetësojmë industrinë ushtarake – në këtë proces edhe Kosova duhet të gjejë veten
Ministri i Mbrojtjes i Shqipërisë, Pirro Vengu, ka thënë se në takimet brenda...
-
Kurti viziton kompanitë vendore, pjesëmarrëse në panairin “Sial” në Paris
Mes 7500 ekspozuesve prej 125 shteteve nga mbarë bota, Kryeministri i Republi...
-
Kthimi i emigrantëve që qëndruan tri ditë në Shqipëri, mediat italiane: Janë të frikësuar dhe të tronditur
12 emigrantët nga Afrika, të cilët larguan sot nga Gjadri pas vendimit të Gjy...
-
Ndihmëssekretari i NATO-s: S’mendoj se jemi në situatë për të folur për anëtarësimin e Kosovës në NATO
Boris Ruge, Ndihmës Sekretari i Përgjithshëm të NATO-s, ka thënë se mendon që...
-
“Mati 1” e “Bregu i Diellit” pa ujë shkaku i problemeve teknike
Kompania Rajonale e Ujësjellësit “Prishtina”, ka bërë të ditur se Lagjja ...
-
Osmani takohet me përfaqësues të Google dhe Amazon: Synim është përfshirja e plotë e Kosovës në platformat më të mëdha globale
Presidentja Vjosa Osmani ka bërë të ditur se është takuar sot me ...
-
KFOR-i vazhdon stërvitjet për të ruajtur gatishmërinë e lartë operacionale
Grupi i Përbashkët Shumëkombësh për Mbështetjen e Logjistikës (JLSG) dhe ...
-
LDK: Nga janari 2025 bizneseve u dyfishohet tatimi në pronë, pengesë për zhvillimin ekonomik
Lidhja Demokratike e Kosovës, përmes një reagimi ka shprehur shqetësimin e sa...