Lajme

Skandali me yllin pornografik, mediat britanike publikojnë detajet, si u kris martesa e Trump me Melanian

Autori: Gazeta inFokus 11:12 | 21 March 2023

“Daily Mail” ka publikuar një shkrim ku mes të tjerash thekson se në vitin 2018, Melania Trump, pasi zbuloi skandalin e Donald Trump, në atë kohë president i SHBA, me yllin pornografik Stormy Daniels, ishte larguar për disa ditë nga Shtëpia e Bardhë dhe kishte qëndruar në një hotel.

Pasi qëndroi në hotel për disa ditë, Melania Trump shkoi më pas në West Palm Beach, Florida, duke e lënë Trumpin vetëm në Forumin Ekonomik Botëror të Davos më 18 janar 2018, një ngjarje që ajo kishte njoftuar se do të merrte pjesë.

E pyetur për mungesën e Melanias, përfaqësuesja e shtypit e Shtëpisë së Bardhë, Stephanie Grisham, u përgjigj se vendimi i Zonjës së Parë të SHBA-së për të mos udhëtuar në Davos ishte “për shkak të orarit dhe çështjeve logjistike”.

-Advertisement-

Ndërkohë sipas mediave amerikane thuhet se në ditët në vijim mund të ketë zhvillime për këtë çështje dhe mund të çojë deri në arrestimin e Trump, pasi ndjekja penale që mund të ngrejë prokurori i qarkut të Manhatanit, do të ketë të bëjë pikërisht me 130 mijë dollarët që Trump dyshohet se i dha Daniels për të siguruar heshtjen e saj.

Tashmë autoritetet në Manhattan po përgatiten për një eventualitet të tillë pasi nga ana e Trumpit bëhet e ditur se nëse do të ngrihet ndjekja penale, atëherë ish-presidenti i SHBA-ve do të dalë personalisht para prokurorit.

Subscribe në YouTube: GAZETA INFOKUSI
FREE FRIDAY ME ZBRITJE DERI 70%
-Advertisement-

Të tjera

Fokusi

lajme